¹ A ci ne Malkisadak, degem salam, prist kek Kakasuku Mula, wara dagami na Ibrahim lakwtu a katayi da ri zhiya na degem cin jigab se dapi dici barka. ² Ibrahim da barawu zakka be a ci be da ri zhiya. dlugun geri, "Malkisadak," ma'ana gara degem adalta," ma'ana degem salam cam a tine degem salam," ³ A ci na Afuk bai na mi bai, a ci na naa asal kadugum geri bai, aci na sukur bai na ri dama geri bai. A ci dlam na genawa na wun suku, gada a ci prist ne har dimaro. ⁴ Gusku a ki zada marum kwina nentiku. kakawa nabi Ibrahim dabari zakka be mi aci beu dari zhiya i warau. ⁵ Da ami dama, mamu levi wara gen wana prist akshi na lonok dari dumaya da gen zakka dari ndawa, wato yaganaucinshi, ko da akshi cam kadugun Ibrahim. ⁶ Da ami dama wam, malkizadak, mio dasga sukur gibai ko kadum geri bai, gen na zakka dari nabi Ibrahim, dan da dawuci barka a ci mi na alkawar gu. ⁷ Gop yuwa, gamgam a cine ba ci gen barka dari nen gasgara. ⁸ I da duvutku se kaki ndawa mi a gen zakka i lakwtu dagai se kekemi mutunakshi, amman makizadak mi gen zakka dari Ibrahim da tabatatinma har gusku acina aro. ⁹ da dumu darami ko levi na ada geri, ba ci gen zakka aci nwam barna zakka dari Ibrahim, ¹⁰ gada levi a tika kaka geri nabi Ibrahim lakwtu mi degemi na malizadak. ¹¹ Gusku da dadumu bi dlam kalkal i kema suku da ri wana prist kek leviyaucin (gada darikshi ne da bare dumaya), to fa'idau tam prist dahai dani i da duvu Malkizadak, a dlam rama duvu Haruna wam bai? ¹² Gada ged lakwtu da paltina prist nin, dlamungara dolle da palti na linokke. ¹³ Gada nen mi daram bitku i ada geri audu dama, mi go nen dlam wana i da bagadi. ¹⁴ Sutku a patata migengyi deu da kadugum yahuza, audu Musa galte dlam rama ma akshi perist cam. ¹⁵ Be mi waramau a patata in prist dagai tleu i kunu genawa malkisadak. ¹⁶ Karara prist tuku, prist bai mi dla da kaida kadugum nen ayuwa, amman dlamun geri prist kek mbasu mi kermai mi go dadigiri. ¹⁷ Gada datarna i da geri i kunu kakkadu Suku, "Ci prist mi go dimaro i da duvu kaki malkisadak." ¹⁸ Gada linok ke sukur danpina atu i baka gada na awayau bai ke go paida. ¹⁹ Gaa dumaya duma dlama be tawanke da dlaba kalkal bai. Amman pa na dawa gishi i kema mi darigirine jabina ni ri Suku. ²⁰ Amman marum dawa gishitku a dlambai se na tayinda, gada akshi ke waci tayindabai. ²¹ Amman suku tayinda ida Yeso ma, "suku tana yinda a patata nufi geri a paltabai ci prist mi go dadigiri." ²² Dari dlama kasau Yeso ke da dlamun geri takanas kek alkawar mi aawayau kek Suku. ²³ Jirewa, mutu dabtina pristaucin dlama wanakshi mi har dimaro, sutku atune dawu na pristaucin gawa gayi i ku gayi. ²⁴ Amman gada Yeso na aro har diamro, wana geri kek prist da paltau bai ko rab. ²⁵ Gada kasau a ci na kermai kek ra ndawa mi ani ri Suku dari geri, gada fatawanke aci na aro a wili gadakshi. ²⁶ Gada zada marum pristuku aci ne dlamingeri kalkal na wa. A ci na aipu bai, go bi bik nanga, go aipu, da bura da kunu da dlama aipu, a dusku kek dusku ged. ²⁷ A ci na jiktubai, ka ki kek gagizhin marumamin pristgu, mi a bar sanam fatawanke, kek sukur gada aipu adakshi, se aipapin gagizhin ndawa, amman Yeso dlam si zigir gayi go ke Masshirin gada kikena tike, lakwtu mi bar ada geri. ²⁸ Gada dumaya na ndawa mi na botinakshi i da gwajere prist, amman rama tayinda wara deu da aku dumaya, na wun, mi kalkalmi go aipu har dimaro.