¹ Gada kasau, se waci kema i da kaidadin kek sukur ke lamar Masihu, her i nye dama, gada se wa kaci wambai ida gugza jigajigantuku kek tubi na wana suku na iman i suku, mi go paidana kek kasakta na suku, ² na gugza ida baptisma, impi amai, tlayi kun mutu, na hagata kek suku. ³ Wa dlama na suga Suku bardi ja lakwtu nin. ⁴ Gada ndawa mi ndak bayantina gizhakshi tlapara, her da lintina bari kek dusku, her da genna Nunuwa Suku. ⁵ herr da tanbikarak rama suku, na kemai zaman mi ni, ⁶ Amman da ka ci nakshi da akau a dlama wambai dani na akshi i tuba , gada akshi dligina wun Suku wam, da bari ci shirau i patata. ⁷ Gada gagi mi aam i dau i dau, i di zada be tawanke mi na paida i ndawa mi a ruwi gara, Kakasku a pitu barka. ⁸ Amman be mi atu a diwu dlamu gara jijim na azumvatku, atu na faida dagai bai, a dantau ma laanta, damagare se barka. ⁹ Ko da wa ram kasau, i da kun wam, yaganaucin ja tabatinaja kwa dlam be blanlamin kek rama ra. ¹⁰ Gada Suku baci rashi adalta bai, har atuwaina na wanakun, na ntu dlugun geri mi kwa dlamau, i ri dlama wana i ndak wana Suku, har i gusku yaye kwa dlamau. ¹¹ Jan cu nen tawanke da kunakun da tatki zada girita kek dlama dawa gishi tlapar, dlamun gara gatanas, har inye dama. ¹² Gada kwa dlaba taskenbai, se dai kwa dlam gugza na ndawa mi gen na alkawar tuku, da ri bar jirewa na kanadikshi. ¹³ Lakwtu mi Suku dlami i nabi Ibrahim alkawar, gada na nen mi a kema na aci bai se da ci yinda na ada geri. ¹⁴ Ramma, "jirewa na pici barka, na dawa kadugumci da dlam nakshi gawa ." ¹⁵ Dari kasu Ibrahim, aku mi a ci jumretin geri na kanadi, dagin na niya alkawargu. ¹⁶ Jirewa ndawa a ta yinda na be mi dika nakshi. I dama rama tawanke, a tla yinda gada dasgi ko biwu jire ko jire bai. ¹⁷ Gada kasun, lakwtu Sukur a ciu dan da tabatidu i ndak ta gado alkawargu biwu jire ma nufi geri mi a mustabai ko rab, se da nupkina ta yinda . 18 Gada albakaci be shirin tuku mi a musta bai, da tatka a dlabbai Suku da dlam papiya wa mi wabi na be miwa dawu gishi i dau. ¹⁹ Jana dawa gishi, ka ki mi na aro, dakkuma, na tabbas, a ci ne baci tufa har i aku babrum. ²⁰ Gada, gadajne Yeso wurminaja i tufa, gada dlamun geri marum prist mi go dadogiri, i ginawa makisadak.