¹ Gada dumaya nunuwa be blan mi ani, ba atune bewara da ramma anigubai. Ndawa wara ani dantu na Suku galte a lumabai dari bari sanam mi prist abaru aman aman. ² In kasu bin, base dabzina bari sanam ba? Gada alamar tuku, in de dlam nakshi go aipu zigir getak da dak nakwana da ziga be ma aipu bai. ³ Amman sanam tuku dlamin gara bik tana aipu ke aman na aman. ⁴ Gada dlam bai didim kwamin na garau da tuptina aipapin. ⁵ Lakwtu Masihu de duniya rama, "Ba sanam ko baribai mi kancu bai. gada kaunu, a sapira tina tika gada sanam. ⁶ Ka kuno bai gada bari na sanam ke baka gada aipu. ⁷ Se na ramma, aki so iyu na denga gada na dlam be kancu, ka ki mi tarnu i ada ga." ⁸ Sukur ramma , "sanam bai ko bari ko sanam ke baka gada aipu kan ci bai, ka kemu karakshi bai, ndawa akshi ne sanam mi da baru ka ke be dumaya tatki. ⁹ Se aci da ramma, " So iyu na denga na dlam be kancu" wayina alkawar sukurgu gada danna kek ma shirin. ¹⁰ I alkawar kek ma shirin, da dlam nawa go aipu dari bari tika Yeso Megengyi zigir getak. ¹¹ Ka sunu prist tawanke dar'i fatwanke da dlam gusapuna i suku. I fatawanke da abar sanam geri getak, ko a dumu tupta aipapin bai. ¹² Da duvu dama, Masihu bar sanam zigir getak gada aipapin har dumaro, basin geri i ami mata Suku. ¹³ Aduru her da dawa na da kurgeri i dida zigir geri. ¹⁴ Gada dari sanam gayitku damudu her dumaro ndawa mi bar na adak shi i Suku. ¹⁵ Nunuwa Suku ke ram diwa maya, ¹⁶ " Sutuku ne alkawar mi na dlamu na akshi da aku yuwanin tuku, ramun migingyi na dawa na linok ga i gizhishakshi, ke na tarnu i gizhakshi. ¹⁷ Na tana aipainshi na kurakuraishi bai." ¹⁸ Gususku pa ged ri daba tuta gada bayangu, na gagizhin sanam wambai gada aipu. ¹⁹ Gada kasunu, yaganaucin, jana shakka tufayi i ri mi go aipu gada Yeso. ²⁰ Sutku atune karara duvu mi na aro mi aci rubtiwa dari dabarum, wato da ri tika geri. ²¹ Gada wana marum prist i wunduwa Suku. ²² Ardi wadabe datau na gizhi getak, na iman tabas, na gizhiwa mi da viyu dari gabshi kuraram, na tikawa ga viyak na amm mi go aipu. ²³ Arda wa jib na awayau sheda bar jirewa wa, go rub, gada Kakasuku, mi dlam alkawar baci amaan. ²⁴ Ardi wa dlam ankalta ka ki mi wa dauzata tikawa na ntu wana mi blan. ²⁵ Waiva kunda cacpa ida gayi bai, ka ki mi ndawa jigab a dlamau i sirin kasunu arda wa dauzati tikawa fatawanke ka ki mi kwalawan debai yuwangu a dantau. ²⁶ Gada wata kema na aipu wawi nen aku waba na rama jire watku, na gezhin sanambai kek tuta aipu gu. ²⁷ Gada kasunu se gafaka kek marum hugagat, na aka mi fau tlapar mi atana nda kur suku. ²⁸ Ged nen mi kurna diga dumaya nabi Musa nen a mutin geri gokanjino dari sheda shirin ko kwan. ²⁹ Zada hagata tawan kwa tumangu mi basin gara na ndawa mi muwana wun Suku, na ged ndawa mi musti na didim alkawar tunu kaki mi go aipu bai, dari didim gu ne da kebetina aci i Kakasuku mi wulakantina nunu herr? ³⁰ Gada jasgia nen mi ram ma, "Ramata kanai, A dlam na sakaiyau aci," zam wam miginyi a hagata nda geri." ³¹ Bi kalau tlapar nen dafgi i ami Kakasuku baci aro! ³² Amman atanina na yuwan akau, aku mi kwa bana bayan, ka ki mi kwardi na kun blan i kunu marum bone. ³³ Da zhurwa na kun i kema ndawa, dari ngarremta na darari, kwa sa zada bone na ndawa mi tufi kunu. ³⁴ Gada kun na kanjino kek ndawa mi a kunu dillo, na piirdai, kwa amintatina kun na gumba liman kun mi da dlamu, kwa bana be blan i ada kun mi har dumaro. ³⁵ Kasunu kwa vurka na kasakta kun bai, gada na tumanja gawa. ³⁶ Gada kun bukata kanadi gada kwabi be mi Suku dlam alkawar, in kwa dlam be mi aci ancin gada i lakwtu rab, baci ni gu ani go dlumud lakwtu. ³⁸ Baci adalta, dari bar jirewa a dlam aro, amman katan geri dakun na kemu karak geri bai." ³⁹ Amman wa wakunu ndak ka ci dakau bai in nye dayu. wakunu ndak iman mi aya nawa i ra arowa.