¹ Iman atu ne tabbas alama mi wa tumangu. A tune tabbas alamari be mi da ika bai. ² Gada dari gara ne kakancin wa ba geni dari Suku. ³ da ri gara ne nda tlan duniya na bi kunu gara dari ramak Suku har na be mi nda lawangu nda dlamikshi dari be mi akshi dlabu bai. ⁴ Dari iman ne Habila divari i Suku sanam mi dika di bilan Kayinu. Gada ka sunu nda gidlbaci i ada ma aci adali bana geni Suku gada sanam giri mi baru. Gada kasin ke har gusku Habila a rama, ko da mutungiri. ⁵ To darik bari imman damina Anuhu i nye dusku gada dai ka mutu bai. " Nda baci bai ro, gada Kakasuku mana ci." Damba nda ma ci nda shaidatu maya. ⁶ A dlaba tita ranakatr na payan gizhi kakasuku in i da gayi na iman bin. Gada kamatu dik ni ani ri Suku, dolle ne da bari jirewa na tlaba giri kuma aci baci ramata chakchak ndak maka geri. ⁷ Dari immanik Nuhu, gini sakwtu dari Suku i ada lamarikbe mi nde bai dari bari marim kwina na rib tika. Lemu suwa amm gada dari yal geri. Gada kasu kuwa, Kakasuku da kanbeti na dumaya, Nuhu kuwa gado tu adalta dari iman ⁸ Darik iman ne Ibrahim, lakwtu mi nda dara ci, dlam nakwana dayi ri me a gini ri gadota. A ci da veringiri ziga ri aya bai. ⁹ Darik dalil iman ke mbasu magiraf a lkardi alkawar. Dlan mbasu kuku cube i dagayi na Ishaku na Yakubu, ndak gadota alkawar gayi na aci. ¹⁰ Gada a didka da mi na asali, Alkariya mi babu nya gara na lawan gara se aci kakasuku. ¹¹ Darik bari iman, Ibrahim bana di, ko da shike aci na amageri dlan nakshi pidim i kunu amananin kuma saratu duguri nutuna lakwtu di. Tun da shike akshi bar na jirewa na nin mi tlamik alkawar ki jirewa. ¹² Gada kasin, darik nin tuku , mi wara ka aci gamtak, nda yawi zadak gawa rankata, da dlab nakshi gawa ka ngishau desku kaki aisawu miyak anku, mi ana bai. ¹³ Dik shi kwa damtinakshi i kunu iman, akshi genu alkawar bai. I sirim sin akshi did kew kuru dawutayi miyakshi da pidim, se akshi da yardatinakshi akshi magirafcin kuma ndak rakan ne i duniya. ¹⁴ Aturo ndak ramau kasau tatikidu i patata ma akshi ancu lardak shi. ¹⁵ Da kabe akshi a kuraram ka ki mi akshi vureu ka kunu, da akshi kalaktanakshi wam. ¹⁶ Amman ka ki mi akunu, akshi ancu ka ki mi dikadi blan, wato mi a dusku. Gada kasau ne kakasuku kema zhurau dauraci kakaskwak shi bai, gada a sapiretina da marim gadak shi. ¹⁷ Darik dalili imman ne Ibrahim lakwtu mi nda kakitla ci idak dabarna Ishaku wun geri i sanam. ¹⁸ A ci ne kwa wun geri getak geri, me nda mici alkawar ma, "Da ri geri ndaye dara kadugum ci." ¹⁹ Ibrahim tlan kuraram i da Kakasuku na kermai tlatli Ishaku daku ndawa gamtak, tlabu kasin kuwa i kunu genawa dakun gamtatin me Sukunu gini geri. ²⁰ Darik bari iman ne wam Ishaku barkawatu Yakubu na Isuwa gada be mi ani a kima. ²¹ gada iman ne Yakubu lakwtu mi amiya mutu, pa barka i kutli Yusuf shirin cham. Yakubu da dlam nakwana da tirnishin geri adak zawa geri. ²² Gada bari jirewak Yusufu, lakwtu dasu aman geri dlam rama i adak virayi kutli Israila da Masar har da ramikshi akshi da nipki na awuk geri. ²³ Gada barik jirewa Musa, lakwtu mi nda yawu chi, ma yawuk geri da dibsina ci ki tiraram kwan gada aci mayum bilan, kuru akshi a kunu kalu linok digim bai. ²⁴ Darik bari iman i Musa, lakwtu rawan geri tin, kurdu nda daura ci wun Fir'auna. ²⁵ I gadavak yarda tin geri dasi bone ada ga gayi na ndawa Kakasku, i ka adak kumu karak aipu ki lakwtu rap. ²⁶ Ya kintudu i adak sa bone gada diga Masihu marim birid dika na birid Masar. A turo pana da geri i da tumanja mi a kema. ²⁷ dari bari iman Musa buzina Masar kima kalau tlimit aro digim bai, irdin geri tirr ka a lawan sau, me nda dumu lawan gu bai. ²⁸ Dari dallil bari iman dlam gumuri sa ada na wuwura didim, gada kar babu dama kutli sukur da linci kutli sukur ki Israila. ²⁹ Gada dalil iman akshi da nuci da Baharum maliya ka ki da gaudak da lakwtu mi masaraucin deu i nuta anku dancinakshi. ³⁰ Darik barik jirewa garuwak Jariko da damungara, aku akshi vaykatu har ki yuwan katkasa. ³¹ Darik iman Rahab kalili kambe tubai ida gayi na ndawa mi na ladab bai, gada wurtu ndak didka ashir lardi i wunduwa gara, atu kuma sallame tinakshi kilapiya. ³² wate waramo ma tam? A turo lakwtu dlamn gara rap inde na dlam rama ada Gidiyon nin, Barak, Samson, Yefta, Dauda, Samaila, na nabaucin. ³³ Darik dalil iman akshi na kinasar i adak lardadin, da dlaqm na wana adalta, zam akshi dagina alkawar. Da cimna miyak jaka tlatlin, ³⁴ Datkina awayau aka, da gumbin geri damiya kasakari da bina ngatu dari furarin, da dlam nakshi jarimaucin zhiya, dasin akshi dacina kenasar i adak gawa askarabaucin ki ndawa mi ziga Suku bai. ³⁵ Amatau ke dagina gamtak shi mi nda tlatla da mutu. nda bari bone i jigabshi, akshi maku nda bari bone i jigabshi, akshi na dawa aro tlayi da mutu. ³⁶ Ndawa jigab kuwa da si geri na kwairpak, har na sarka dilo. ³⁷ Nda virkaka shi ndaudinnakshi kurak shirin ndatkinakshi na kasakar. A rakan dawuna rivik yad tumamkin na ki garau, da riginakshi da jiktinakshi, da bonetinakshi ³⁸ (akshi di kana awayau dam mbasi i kunu duniya), Akshi da jib rakan i kunu pata na ada guguyayin, awuna i kunu girid na vek. ³⁹ duk na kasin Suku dlam na saidakshi akshi na iman, akshi gin alkawar bai digo. ⁴⁰ Gada Kakasuku saperetu ndawa be dagai mi dikadi bilan akshi kwa a jibka bai se nawa ida gayi.