¹ Gada sutuku pa wa kuma, gada wa da vaika na algi shaidadin, se wavurkania be a dlama diwa dukshi mak, na aipu mi sa datlibga i tikawa, wa dlama na rawutku ke maremare mi a kema wa ida gayi na kemar. ² Se wa bar ankalwa i Yeso, baci banda na dama i manwa. Gada kuno mi danpi i kema geri, kemar tina geri na dimdliga, damuwina dlugurugara, dan mbasu i ami mata kek garva Suku. ³ Ke atanina na aci, mi kemartin geri na na kuru ndawa dak aipu, gada kwaduwak dlabai i gezhak kun her kwaivina duvu. ⁴ Har gusku kwa dlam dliged na aipu har wara dayi na kun i dantau na mutubai. ⁵ Kwa tuwaina gabad mi Kakasuku dlame kun i adakun kun tligiri, wato, "Ci wun ga, ka muwa gabad migengyi bai ka tada geshi shi bailakwtu midawuci ida duvu nen. ⁶ Gada Kakasuku, a gabad i nen mi aci ancu na aduma i ged wun mi aci a gandu." ⁷ Bone mikwasau ai ged gada duma kune. Suku jib nakun kun ka kutli geri. To mayungu tawan mi Afuk a dumai bai? ⁸ In kun na dumabai ka ki mi da dlamau i nen tawanke, to, kwa dlam nakun kutli babilok ke nan, baya kutli halal bai. ⁹ I kemangu, wanaa afafkinwa ke tika mi a pija i da duvu klkal bai wadhgi afuk wa ke Nunuwa Suku wabi aro? ¹⁰ Da fali dama, afakinwa dumiwa ke laktu rab mi dlam gara kalakal i lawanshi da pali dama Suku a dlame wa kasunu gafda da dlab bilan iwa gada wa dlab ida gayi i kunu mbasu go aipu. ¹¹ Go duma mi karak i lakwtu dlamagara, amman fau, amman da kuk sunu ani na kutli mbasu go aipu i dawa mi da damuna atu. ¹² Gada kasun adumina, na amikun migo awayau na kufafin kun mi fuwun gara. ¹³ A digina duvu gadumak na zigirkun, gada ndak digis da gurdeta bai se de dan ga ci. ¹⁴ Adgina mbasu kilapiya na tike, na mbasu go aipu migo aunin go nen a lawan Suku. ¹⁵ A dlamina ankal gada go nen da buki herr Suku, kwaiva digwagwak gizhi da duwai i wita kun bai da dlamcikun adlamina ankal gada gawakun da dlumata bai dari gara. ¹⁶ A dlamina ankjal dlaba na baci tapai i wita kun bai, ko baci nanga Suku ka isuwa mi dubdu matkam Sukur kwina geri ida gada kuwa abin getak. ¹⁷ Gada kwadgadu lakwtu mi anci gaen na barkau dakur na bareci , gada ba sartu da dlam tubi bai, ko da a ci maki har na adan. ¹⁸ Gada kwade i ri ziga mi da lintabai, mi a bidlayina aka inye da ayuwa na damakenum na kanam. ¹⁹ Na adir fuwak , na wura ramamin mi ndak kemugara kurna dasku nikshi rama dama. ²⁰ Gada akshi dima ri imiya be da hasgita bai ma, duk be mi mi linta guguyakgu ko vaya da vurka na a ci na guguyak. ²¹ Gada lawan biutku na kalau tlapar! Har nabi Musa cam rama, "Na jinga gada kalau tlapar." ²² Amman i serum kasunu kwade nakun ida guguyak sihiyona ne, na alkariya kek Suku baci aro, Urshalima ke dusku, ri dubaucin malaikaucin a gimuri. ²³ Kwazadena kun iri cacpa kutli sukur kek Suku wara dlunshi da tarna i dusku. Kwa zade nakun iri Suku baci hagata tike, na i Nunuwa dawa mi go aipu, wara da dlamnakshi kalkal. ²⁴ Kwa dena kun ri yeso, baci ridi i gadava karara alkawar, na dari dimdim tipta aipu, mi arama tlapar dikana didim Habila. ²⁵ Ankaltafa, kwa kurna baci ramatkubai. gada akshi kutubai sartu mi akshi kuru na nen mi dlamikshi gaban i duniya, to wakatu nana in wa kurna baci dlamewa gabad da desku nin? ²⁶ I sartu tunu, wara giri rib na duniya amman gususku aci dlam na alkawar ma, " zam gusku yaye na rib duniya rugarabai har na dusku cam." ²⁷ To ramtku ma, "Zaam wam zigir getak tatke na gwapina be mi darbu, atune be mi da dlamu, gada be mi da lawangu bai da dlabi. ²⁸ Gada kasun, se wa sikarci gada wabana garva mi a rubbai. Se wa dlam sekarta dari sun ke wa dlam nakwana i Kakasuku i kunu kalau na martapa tlapar, ²⁹ gada Kakasukawa aka ne mi baka.