¹ Gada su dolle waskuni bar ankal i da bemi wara wa kirimtu, gada waiva devo bai. ² Gada rama mi da rami miya malaikaucin basin gara, tabbas herr nin tawanke mi kurna digau agini dakine-kine mi wara a kalkal na be a ci dlamu, ³ a dlaba na na wabi na ra, in wa kurna marum wana ran? su tuku ne ra wara da sukur Megengyi ramu kuru da tabbatati diwa dari ndawa wara kemau. ⁴ I lakwtu cam Kakasuku da ri gaginaucin na bi ajab na wana kermai gawa na da ri tarba bari ke Nunuwa Suku dari ntu geri. ⁵ Aturo dari malaikaucin bai Kakasuku dawi garva duniya mi daya dlamau, mi ramau. ⁶ Da gai rami i ri dagai ma, "Nen gum tam, mikanpina gesha ci ida geri? ko wun ge nin wara herka ankalta geri? ⁷ Ka dlam na nin ganbatak na Malaikaucin rab, ka yaidi di ci i na garva na martapa? ⁸ Kadawana be tawanke i dida zigir geri." Gada i a cine Suku dawu garva be tawnke. Go be miwara Suku ivu i baka mi a mi geri bai. Amman gusku yaye wakau betawnke bai wara da bardici. ⁹ Amman waika na nen wara batin geri malaikaucin kunu gangam lakwtu : Yeso, mi wara dari sa dakine na mutu geri, dabar di ci martapa na garva. Sutuku ged dari her Suku Yeso mutu gada nin tawanke. ¹⁰ Gada sutuku kalkal iri Suku da dlam be tawanke gada geri dari geri, gada danna kutli i kunu garva. Gada sutuku dlamau garva kalkal a ci da dlame digim barikshi ra sa dakinekine mi aci dlamu. ¹¹ Gada a ci ba ci bar ada geri i sanmgu na wara da dlam sanamgu gada geri, gid fure dari gayi. Gada su tuku a kemu zhurubai da daurakshi yaganaucin. ¹² A ci ram ma "Na dlam wagirma dlugunci i yaganaucin ga, na dlam ruwa dlugun ci i kan chachapa algi." ¹³ Zam wam her gusku, "Na dlam iman na ci" zamwam, "Aiki so Iyu na mamau mi Suku baranai. ¹⁴ Gada sunu tunda kutkli Kakasuku dari tluwi tika na didim, Yeso kam be gayi na akshi gada dari mutu a kambeta na aci baci kermai mutu wato lesper. ¹⁵ Su tukugada a ci a gumba na ndawa mak anbasu i kunu gabayi gada kalau mutu. ¹⁶ Tabbas a lata malaikaucin bai, se kadugum Ibrahim. ¹⁷ Gada ka u tuku, dolle ne da mi da dlabi ka yaganaucin geri dari tawanke, gada da dlabi marum perist ba ci herr, ba ci jirewa i kunu be suku, dabar sanam salor kek tupta aipapin ndawa. ¹⁸ Gada Yeso cam na ada geri sana ravan lakwtu mi lesper kaktlaci, gada su tuku a lata na nawa mi a kunu kaktla.