¹ Gada kasau, yaganaucinga mi go aipu, mangitu daura i desku. A jibina Yeso mi a cine mawanak na marum pirist kek seda bari jirewa kun. ² A ci ne wara Suku dlam aaman na ci, mi Suku bari ci guzapina keki nabi Musa Suku dlam na aci wunduwa Suku. ³ Gada Yeso batan geri martapa tlapar i da nabi Musa. Gada nin mi lumi wunduwa nin, dika na wunduwau i martapa. ⁴ Gada wunduwa tawanke na nin mi limatu, amman baci limau betwanke a ci ne Suku. ⁵ Musa cam ba ci aaman guzub i wunduwa Suku, a bar saida ida be mi wakata i kema . ⁶ Amman Masihu Yeso a cine ba ci garva i wunduwa Suku. Wa ne wunduwau ja jeb na bari jirewa na ged gesha nin. ⁷ Gada ka sunu, kaki mi Nunuwa Suku ramu, "Gusku in kwa ke ma na wura geri nin, ⁸ Kwa dlamana gishi gaudak bai ka ki kutlai Israila dlam i kunu tlatli ankal i lakwtu kaktlakshi i kunu pata. ⁹ Ilakwtu kakancinkun da ri tlatli ankal da ri kaksha ga uku aman gumuhudu a lawan wanaga? ¹⁰ Gada ka sau ina geshi ayuwa i da dak zaman ku, se na ramma, i fatwanke a gawa alkawar i geshakshi. zaga duvu ganai bai. ¹¹ Gada kasu na yinda i kunu putugabai. ¹² Adlamina ankal yaganucin daa ba gabshi geshi mi go bar jirewai gatukun bai, geshi mi a gwapa da diga Suku baci aro. ¹³ Gada kasau, kwa dauzata tikakun fatwanke, mudin ja kun afaunin daba dagai da kunakun da laviti geshi geri bai gada livata ke aipu. ¹⁴ Gada ja dalam naja mangitu wana na Yeso, in ja jib na bari jirewa i kunu geri na awayau nin, tun sukur her in ye dama. ¹⁵ I da sutuku , da ramma, "Gusku ka kema na wura geri nin, kwa dana gishakun bai, kaki mi Israila dlamu tltli ankal." ¹⁶ Ja gaye kirimti wura Suku da tlatli ankal? Akshi mi nabi Musa yiwishi zawa kek vira da masar bi ko? ¹⁷ kuma natai Suku dlam shitan na akshi her kek aman gumuhudu? In na ndawa mi dlam aipu biko, mi wara guvakshi da waya pata biko? ¹⁸ Na jagey Suku ta yinda ma atufa i kunu putu geri bai? ndawa mi dlam na shari kirimtarama geri biko? ¹⁹ Jaikadu ba tufa i kunu putu geri bai gada rashik bar jirewa.