¹ I lakwtu waci, Sǝku dlam rama i Kakancin wa da dǝvo gawa damama, da miya nabaucin. ² Amman i zaman kǝ dadigiri duniya, a ci dlam rama da wun gǝri wara a ci dawaci ba ci ta gaɗo betawan ke, da ri gǝri ne Sǝku dlam be tawanke kǝ duniyabu. ³ A ci jub na kǝrmai be tawanke dari rama gǝri. Aku mi a ci dlam wana viya aipapinja, se dan mbashin gǝri i amai mata kǝ Mulu Sǝku i dǝsku. ⁴ Dlamin gǝri martapa ina da malekaucin zam, gaɗa dlugun mi a ci gadoti dika na kakshi pǝɗǝm. ⁵ Gaɗa i kunu malekaucin gu tawan Sǝku rama, "Ci wǝn ga, gusku na dlam ganai Afǝkci" kuru na dlam ganai Afǝk i ci, A ci ke a dlama wǝn i Iyu"? ⁶ Gaɗa lakwtu mi Sǝku wane wǝn gǝri i kunu duniya ramma, "Gǝd malekaucin da dlami ci nakwana." ⁷ I da malekaucin rama, "A ci ne ba ci dawa Malekaucin da dlaba Nǝnuwa Sǝku na mawanaucin gǝri marnyi aka." ⁸ I da wǝn gǝri ramma, "Karvaci, Kakasǝku, go dadigǝri zawa garva ci zawa kǝ adalta na jirewa. ⁹ Ka ntutu wana adalta ka kakurena wana vatku gaɗa su ne Sǝku, Kakaskwa ci pe ci murak ke purdai karmana ndawa gǝd." ¹⁰ Tun sukur Megengyi ci ne ka dlam duniya mak, dusku na da. ¹¹ A kambeta nakshi. Amman ci godadigiri. Agarinakshi ka kachum. ¹² Ka yaida nakshi ka gwadam, aye palta nakshi kachum. Aman ci fatawanke ka palta bai amananin ci a dama bai." ¹³ I malaikau tawan Kakasuku rami ci i lakwtu tawanke ma, "Am mbasi i ami mata ga se na dawi da kura ci dan mbasi idida zeger ga"? ¹⁴ Ase malekaucin gu ged muwanaucin biko, mi wara da wanakshi gada da alkaltina dawami abi na gado i kunu janna?