¹ Nabauwacin papiya ani ri kun.Ani na be gabshaucin dab bəzi na gugze kun ki ɗayu ndawa,a dlam na gamɗya i marim ma shakshi.Amma bana i adakshi. ² Gawo aɗiga na dəvukshi ƙi dləmid,da dəvu tunu da dəvukshi jirewa a dləmatu. ³ Na mbamba akshi ajiba ɗaura yakun da rik ramak papiya ɗayakshi ama laktu bai,ɗayakshi ani kaɗe -kaɗe. ⁴ Kakasǝku ro ivu malaikaucin ndak aipu bai.Gaɗa sunu da bar na aci i tartarus nda jibna aci ikun sirsir iri ayuna sai gafa kagala. ⁵ Zam aci bəzi duniya waci bai aɗa kasin,bəzina Nuhu nǝn babu wazik jirewa,na ndiwa gatkasa,lokwtu mi dena am daci na duniya ƙi ndawa me ziga səku bai.Kakasǝku zam da baki na sadom na gomorrah i bibut da damu nakshi,su be mi aye wakata na ndawa wara ziga səkubai. ⁷ Amma,kaki nǝn baci kalu səku kaku lutu wara ndawa mi a kalu səku bai takɗaci kakasku ɗari na aci. ⁸ nǝn bəlan,mi ambasu gaɗakshi fatawanke nda bonetau i kun hal bəlan gəri gaɗa be mi aci i kau na mi aci kimau. ⁹ mǝgǝnyi zigana dəvu ndawa mi ziga səku bai a bonetakshi gafa kagala. ¹⁰ sutuku daman jirewa i ndiwa ndak taƙima nagaɓshi intau tike mawa na linok.Akshi na awayau na intu aɗa.Akshi a kalau dləmit ndak ɗiga səku bai. ¹¹ malaikaucin na awayau na kərmai sosẹi,amman ani na tifu kagala bai i aɗak shi mǝgǝnyi. ¹² Amman vaya me go kuraram tuku nda dlamanakshi gaɗa wajib wa zigi akshi ziga be gadləmatak bai nda riba nakshi gwid. ¹³ a gən na nuba wankshi ki dlamak be bəlan bai.Akshi a dlam laktu mi kwa ɗagayi fatawanke. ¹⁴ Akshi na da lawan amatau ndak tapai akshi ngatle wayu na aipu bai.a ɗawak ndak gəzhi bəlan i kun be gabshsu aɗawa gəshashi i dak bik kinama.Akshi kudli mi nda tlaryu du. ¹⁵ Akshi bizina dəvu bəlan.Gwapinakshi ɗigina dəvu balam wun beor nin me ancu ngunu be gabshu. ¹⁶ Amman nda nangaci gaɗa aipu gəri kwara mi na miya bai gərnu iɗa nabi na wura nǝn gaiwa. ¹⁷ Ndangu kaki gumbak mi na amm bai .akshi ka kiraɓak mi na kanam a rakan i da ayuwa pilik adirakshi. ¹⁸ Akshi rama na zigaya bai.Akshi a rurau na gubeta tike na intau aɗakshi .Akshi ɗawa ndawa mi ancu rawanakshi dari ndawa wara a kun masihu aipu. ¹⁹ Akshi dlam dikshi alkawargǝri i aɗakshi,amman akshi guzaɓ cin ta katlim nǝn guzub be mi dikana awayau gəri. ²⁰ Dik nǝn mi katiri na bik dləmta gənin ki duniya tuku darik zigaya mǝgǝnyi yeso masihu da katen gəri i iri bik dləmit gənin wam nin,be aci dlam dakau ɗi kana be mi acu dlamu səkur. ²¹ A dlamangara bəlan akshi da zigədu duvu jirewa iɗa akshi da zigidu da gwapinakshi dari linok səku mi nda barikshi. ²² Ziga ya rama tuku dlamin gara bəlan iɗak shi ''Ja a patuka bana gəri gubus mi nda viyu katan gəri ikun tilo gəri.