1
Gusku, na tarne kun, nda ntu ga, kakkadu tuku kǝ ma shirin gaɗa na tani kun, kwa dladli gǝzha kun kǝ jirewa.
2
gaɗa kwa tani be nda ramau i akau dari nabaucin marimamin na linok Mǝgǝngyi na baci raa wa mi nda baru dari mawanaucin wa.
3
A zigina na sau sǝkur, gaɗa ndak gamas wa ani zaman dama. A gamas wa daci kǝma na dlama be akshi ancu.
4
A jǝba ramau ma, "Nda alkawar ki katayi gǝru? Da lakwtu mi afǝfkin wa dlam nakshi mutu, tanke irden gara gaɗa getak tunu lakwtu mi nda dlam duniya.
5
Na zǝgayak shi akshi datuwayidu ma wǝnduwa Sǝku na duniya nda dlamakshi da kunu amm, da amm, gaskwakyiak, dari ramak Kakasǝku,
6
dari be tuku duniya lakwtu tiu ga dlǝmatak, amm da ci du.
7
Amman gususku, dǝsku na da nda vinakshi gaɗa aka dari maraktu ndai vinakshi gaɗa gafa kagala na damak ndawa mi adiga Sǝku bai.
8
Kwa tuwaya su bai ndak ntu ga i aɗak yuwan gayi a ri Sǝku ka ki aman dubu, aman dubu ye ka ki aman gayi.
9
Mǝgǝngyi a gestu bai i aɗak alkawari gǝri, ka ki gawa ndawa tikik latu, gaɗa kasau tuku a ci a kimar na ndawa, gaɗa ancu ko gayakshi da ɗaya bai amman gaɗa tike da bi lakwtu tubta.
10
Zam wam, gafa Mǝgǝngyi ani ka ki akǝrak. Amman dǝsku a nutun gara a adǝr mi awayau se aka a baka na be tawanke nda ta tika na duniya na wannnak kunu gara mak.
11
Gaɗa jandu tuku mak nda damanakshi kwa dlaɓa zada ndawa tawan? Jǝbǝn gara kwa dlam mbasu mi go aipu.
12
A dlamina mbasu impi gǝzhi kǝ gafa mi Sǝku, Gafo tunu nda baka na dǝsku na aka, kuru tanke a wuzan gara i kunu fu aka.
13
Amman i da alkawari gǝri, wa diri karara dǝsku na kararak duniya, ri ndak adalta aye mbasu.
14
Gaɗa kasau, nda ntu ga kwa tuman be tuku, gaɗa kasǝn. A dlamina mbasakun go aipu na ndawa mi go aipu bai i kǝma gǝri i kunu salam.
15
Zam a mina kǝmar dari Mǝgǝngyi gaɗa ra ka ki mi yagana wa Bulus tarni kun, darik asin gǝri mi nda bari ci.
16
Bulus ram be tuku i kunu taran gǝri, i kunu be mi tǝta sanuta. Zǝga be bai ndawa mi wara tirba nda mista ramak Sǝku ka ki mi akshi dlamu gazhin rama gaɗa dayina aɗakshi.
17
Gaɗa kasǝn, yaganaucin, tinda kwaz gana be tuku mak, a ciribta aɗa kun, gaɗa da duniya kun bai dari ndawa wara a diga linok bai har kwa baki na iman kun.
18
Amman a rakinina i kunu herr na zǝgaya Mǝgǝngyi wa na baci ra wa Yeso Masipu. Ndaiva gitliɓ saksakta nda dlapi kǝ ri da gususku na har dadigiri. Amin