¹ Bitrus,guzab,pukura yesu mǝgǝnu na ndawa mi gǝni masasihu da duvu jirewa i sǝku na babu rrwa yeso masipu. ² Mbasu kilapiya na ziggi suku nyi ikunaku a kun dlugun masihu ³ Tabke bǝlan gaɗa tlugun sake na bǝlan ki aro nda dardiwa dari zigi sǝku,babu ɗaurawa gaɗa saksakta gǝri na intuwa. ⁴ Gaɗa sunu bardiwa marim alkawar i kun tlamagǝri inawa karu na be gabshu duniya na intu gaɗa na be gǝshi anchun. ⁵ Gaɗa sunu a dlamina be bǝlan kwa sukuni bar jirewa na na zigi sutu rankata. ⁶ Darizigiyakun,a suku nina jiba aɗa kun,a suku nina na kanadi,gaɗu anidi kun be bǝlan ki sǝku. ⁷ Dari intu sǝku,asukunina na intau yagana kwina kwa sukunyi ntaukwina. ⁸ In bituku a gǝshakun nin,kwa diba takimma na sukunii zigiya mǝgǝni wa yeso masihu. ⁹ Nǝn tawanke mi wara zǝga be tukubinǝn sai bi damta gǝri,warau ga dligayak.Nabai tuyaina viya gamana aipo gǝri. ¹⁰ Gaɗa kasǝn yaganaucin,ɗaura na be miwara sǝku chikɗiwa wa ziga tu rankata.Wa tlilau kasǝnnin wa tangalta bai. ¹¹ Da duvu tukuwa bina tufa i kun gava suku da ri ɗiga masihu mǝgǝnyi bardiwa. ¹² Gaɗa sunu fatawanke na jiba tanne kun ko kwa zidu,yaye,gaɗa kun na awayau ikun jirewa yaye. ¹³ I lawanga na ci,kalkal nan na tunyi kun be jigab kwa tli tun da warigayi wa ɗa gayi. ¹⁴ Nasgadu,gaza rab naivi na kun kaki wara mǝgǝnyi yeso masihu taktikaina. ¹⁵ Nadlam azama gane fatawan ke na tani kun duk bi tuku ko na jin ga. ¹⁶ Gada ja rami kun bai ƙirmai nani yeso masihu sai dai jeka garba gǝri na daja.Gaɗa aci gǝnu dari sǝku afuk marum. ¹⁷ Saksakta akun saksakta rama ''maya''sutu wunganai bin intu ganai napǝrdai na aci .'' ¹⁸ Jakiima wuratuku veraiu da kakasǝku,sartu gaɗa gayi adisku gwuguyak mi go aipo. ¹⁹ In muyu natu ramu zan jirewa a dlama ankal na atu.Su kaki badlai akun ayuwa,sai fuduk afa thlen sugu da dlaɓaakun gǝsha kun. ²⁰ A zǝgiradu tun sukur,na rami nabbi a ramau bai gaɗa aɗagǝri. ²¹ Ngalte na rama nabi kwi na bai dari nǝn gaiyuwa gaɗa kasǝn nu sǝku arama dari ninwa i ndawa