¹ Gusku kasau i ɗa bikta kə sanam wara kwa bari garamcin: Ja zəgadu, "ja na zəgayau." Zəgaya anina sukta aɗa, amman ntau ləmau. ² Nən a kuraram ma aci zəga na beɗagi nən, nəntən zəga be wara aci a kunu bai. ³ Amman nən a ntuta Səku nən, aci ga zəgayak dari gəri. ⁴ Wate iɗa bikta wara nda bari sanam i garəm, wa zəgadu "garəm bewambai i duniya təku," kasən ke, "na Səku dama bai se Aci rugəri." ⁵ Atəro ma na səkwaicin a kunuk dusku na kunuk duniya, kakə wara na "səkwaicin na məgənyaucin gawa." ⁶ "Amman iriwa, Səku getak gəri Afuk duniya mak," nda dlamə tanke dari gəri, wa dlaɓə ke dari gəri, Məgənyi Yeso Masipu ke getak gəri "wara tanke dlaɓu dari gəri, wa ke wa dlaɓu dari gəri." ⁷ Amman tike bai na zəgaya təku. gaɗa waci ndo jigaɓ a guzapəna i garamcin, akshi ke a ta bikta kakə wara nda ɗivari garamcin. Lamar gshakshi kwaɗən gara gaɗa atə ga kaktak. ⁸ Amman bikta ayana wa i rik Səku bai, Wa gaɓshi bai wata bi nən, wa tadu ke wa rəma bai i bəlan. ⁹ Amman a dlamina ankal gaɗa bi'aɗa kun da dlaɓa duvu kalakta dakau kə ndawa wara na awayu bai i kunuk barik jirewa. ¹⁰ Dawanange ɗagai wara na awayu bai a launa naci baci zəgaya ka ta bikta wara nda ɗəvari irik magita garamcin. Aci bana awayu bai kə tak be wara nda ɗəvari di garamcin? ¹¹ Gaɗa zəgaya ci kə jirewa iɗa garamcin, a ɗawana yagana gəmsək ko gama wara na awayu bai wara Masipu Yeso mutu gaɗagəri, da ɗayingəri. ¹² Gaɗa kasən, lakwtu wara ka dlam aipu i yaganaucin ci ka kanacina gəshakshi wara na awayu bai, ka dlamna aipu i Masipu. ¹³ Bikta a ɗawa na yaganaucin ga da dagamu nən, na kiɗa tləwi wambai gaɗa na ɗawa yaganaucin ga da dagamə bai.