¹ I ɗak be wara kwa tarneu; "Dlamən gara bəlan i nən da linta ama bai" ² Amman gaɗak jarabta kə dlamak tapai gawa, nən tawanke da dlaɓa na ama gəri, ama ke tawanke da dlaɓa na məsək gara. ³ Baci wunduwa tawanke da bara be wara kə ama gəri, ama ke tawanke da bara be wara kalkal kə məsək gara. ⁴ amau na kərmai Iɗak təka gara bai se de məsək gara, məsək gu ke na kərmai i ɗak təka gəri bai se de amau. ⁵ Kwa dabta kwapta iɗa gayi i təkakun bai, se de na ntukun kə lakwtu rap. A dlami na kasau gaɗa kwa bari lakwtu magita i aɗa kun. Kasən ke kwa ndagəmə wan gaɗa Ləspər da jarapta kun bai gaɗa buka jiba aɗa. ⁶ Amman na rame kun jandu təku gaɗa na tatki kun, amman dolle bai. ⁷ Na ntutə tike da dlaɓu kakə iyu. Amman tike na bari wara Səku barici. Wara ɗagai nda barawu zada təku, ɗagai na barawu zada tiwu. ⁸ Irik ndawa wara na zəba bai na gudugwamcin, na ramekshi maya dlamən gara bəlan i akshi da dlaɓə go zəba, kakə iyu. ⁹ Amman akshi a dəmu jiba aɗakshi binən, a dlaman gara bəlan akshi da dlam na zəba. Atəro rəma dikshi i bəlan da dlaɓə na zəba da miya aka da bakakshi iɗak ntu gəshi. ¹⁰ Gusku kasau i aɗak nda zəba na rame kun na awayau gaɗa aɗaga bai amman gaɗa Məgənyi: "Ama da ɓəra na məsək gara bai." ¹¹ Amman harr ɓərən gara na məsək gara nən, se atu da dlam mbasə gara go zəba, ko atu da ɗaiməna zəba gara na aci, kasən ke gəmsək da taɗa ama gərəri bai." ¹² Amman i aɗa gagzhin nadawa, na ramekshi ma - Iyu, məgənyi bai - na yagana wara ama gəri mi ɗəgabi nən, atu kasaktən gara da mbashin gara na aci nən, aci da taɗatu bai. ¹³ Na ama wara məsək gara baci ɗəgabi nən, aci kasaktən gəri da mbashin gəri na atu nən, atu da təka zəba gara na aci bai. ¹⁴ Atəro məsək wara bar jirewa bai nda vəya na aipu gəri gaɗa ama gəri mi barək jirewa, ama ke wara bari jirewa bai nda vəya na aipu gara gaɗak bari jirewa məsək gara. Kasən binən, kutlikun a dlaɓa nakshi na nyəm, amman kə jirewa akshi na aipu bai. ¹⁵ Amman Nən gayi da kunakshi wara a dega bai jin geri nen, to, ndaiva ci dayi. Ikun hal təku, yagana gəmsək ko gama na alkawar zəba a aɗakshi wambai. Səku ɗaurənawa i mbasək salam. ¹⁶ Kəm ama, kazəga nana, ko ka rana məsakem? Ko ci məsək, ka zəga nana, ko ka rana amaci? ¹⁷ Aivina dai tike da dlam mbasu na be wara Məgənyi mpe ci , kakə mi wara Səku ɗaure ci. Sutku ro dəvuk mbasu Iklisiyaucin. ¹⁸ Nən tawan dauada lakwtu wara nda ɗauraci i kunuk barik jirewa? Aci da takta bai ma aci dauda bai. Nən tawan dauda bai lakwtu wara nda dauraci i kunək barək jirewa? Nda maka wuda gəri bai. ¹⁹ Atəro nən dauda ko dauda bai atə bine marəm biwu. Marəm biwu atəne nakwana na linok Səku. ²⁰ Tike darɗa i kunuk ɗaura wara a kunu lakwtu wara Səku ɗauraci i barik jirewa. ²¹ Ci guzuɓ bi lakwtu wara Səku ɗaureci? Sən da dametaci bai. Amman cina lakwtu gumba aɗaci nən a dlam kasən. ²² Atəro nən wara Məgənyi ɗaure aci da kunu guzuɓkwina, aci ga gumbak da rik Səku. Kasən ke nən ga gubak lakwtu wara nda ɗauraci i kunuk barək jirewa, aci guzuɓ Masipu. ²³ Nda masəna kun na taman, wate kwa dlaɓa guzaɓcin ndawa bai. ²⁴ Yaganaucin, i kunu zadak mbasu tawanke wara wa kunu lakwtu wara nda ɗaure wa i barək jirewa, wa dlaɓa kasən. ²⁵ Gusku kasau i ɗak ndawa wara ngalte dlam zəba bai, i na linok ɗagi bai dari Məgənyi. Amman na bari kun shawar kakə nən wara ga kasaktak darik herr Məgənyi. ²⁶ Gaɗa kasən, na lawangu gaɗa dlamra wara ani dlamən gara bəlan i nən da dlaɓi kakə wara aci a kunu. ²⁷ Ci ga takwsak i ama bi? Ka maka kabə aɗaci dari gara bai. Ka bana aɗaci da rik ama bi? Ka maka dlamak ama wanbai. ²⁸ Amman ka dlam zəban, ka dlam aipu bai. Ama na zəba bin ke dlam zəba nən, atu dlam aipu bai. Zam, ndawa wara dlam zəba, na be gawa wara a jigtakshi i kunu mbasakshi, nancə na ɓərə nakun da kunuk jandau. ²⁹ Amman be na ramekun yaganauci: lakwtu dlamən gara rap. Daɗa gusku i nye kəmangu, Ndawa wara na zəba, da dlaɓa ka akshi na atu bai. ³⁰ Ndawa wara a aɗan, da dlaɓa ka akshi a aɗan bai ndawa wara a pərɗi ke, da dlaɓa ka akshi a pərɗi bai ndawa wara a masa betawanke, da dlaɓa ka akshi na bewambai. ³¹ Ndawa wara a paida na duniya, da dlaɓa ka akshi a dlamak paida na atə bai, gaɗa bik duniya təku anin gara i dadəgəri. ³² Nancu kwa dlaɓa ga jəktak bai. Nən wara na zəba bin kwuraram gəri aɗa Məgənyi, gaɗa dampi ci gəshi gəri. ³³ Amman nən na zəban, gəshi gəri aɗa bik duniya, gaɗa aci dampə gəshi amagəri, ³⁴ ankal gəri ga ɓərak. Ama wara na zəba bai ko dabaku a tana bik Məgənyi gaɗa da jib aɗa gara i təka na Nunuwa Səku. Amman ama wara na zəba a tanak be wara nda dlamo i duniya gaɗa atu dampə gəshi məsək gara. ³⁵ Na dlama rama təku gaɗa paida kun baya, gaɗa na jikta kun bai. Na dlame kun ramau iɗa be wara kalkal, gaɗa kwa ɗəgə Məgənyi go ɓəra ankal. ³⁶ Amman ɗagai a kuraram iɗa ma aci dlam bekalkal i dabaku gəri binən-atu nutəna yuwan zəba nən, kasən jibən gara da dlam be aci ancu. Aci a kunu aipu bai. Da dlama zəbakshi. ³⁷ Amman aci kasaktən gəri go zəba nən, aci ga jigtan binən, kuru aci a jiba na aɗa gəri nən, dlamən gara kalkal na aci da zəbatu bai. ³⁸ Gaɗa kasən, nən wara zəbu dabaku gəri dlam du kalkal, kuru nən wara kasaktən gəri da kurə na zəba ɗəkadi bəlan. ³⁹ Ama ga takwsak irik məsək gara i mak lakwtu wara aci na aro. Amman məsək gu mutən gəri nən, atu a dumu na zəba nən tawanke wara atu ancu, amman i kunu Məgənyi. ⁴⁰ Amman i lawanga, atu a ɗəkidu i gəshi arawai atu a mbasən gara kakə wara atu a kunu nən. Gaɗa iyu na kuraram ii na Nunuwa Seku.