¹ A ɗicina intau kwa dlam dama-dama na bari dari Nənwa Səku təmbai be wara ye ramau. ² Aturo baci ram i kun təlam marnyi a rama i ndiwa bai amman i Səku. Na nən a sanutageri bai gaɗa aci a rama na miya ga dibsak be mi a kun Nənwa. ³ Amman ndiwa mi a anabtatau a rama i ndiwa gaɗa da ləmakshi da ɗagwaitakshi na impikshi gəshakshi. ⁴ Nən mi a rama na maryi a ləma aɗagəri, amman baci anabta a ləma church. ⁵ Da nantutu tike da dlam rama na marnyi. Amman ko da ɗikina kasin, nantutu da a dlamangaran kwa dlam anatata. Baci anabtata ɗika na baci ram na təlam marnyi. (sai ko nda ba baci məsta gaɗa nda ləmi church). ⁶ Amman gususku yaganaucinga, na dew i rikun na rama na marnyin kwa dlam nana kwa sukuni da riga? Na dumugu bai, sai dai in na dlami kun rama na pahimtata, ko zigaya na anabtata, ko tatika. ⁷ In dai be na aro bai barna adir nin, kaki ja shila na guge a dumu bar adir dama-dama bin nda zigi nana su wurra shila su wura guge? ⁸ In nda fiyu makum na adir mi nda zigabin nin a zigiwu nana ma lakwtu saparetak nye zha dlamin gara? ⁹ Atiro a rikun. In ka ram be na asəm bin, a zigi be ka ramin tai? Nən tawan adumu na sanuta be ka ramu? ka jiba rama na nən a sanutau bai. ¹⁰ Go shakka na miya dama-dama a duniya tawanke na paida. ¹¹ Amman in nazga paida miyo bin, na dlamin ga magəraf i baci ramau, baci ramau ke a dlamangəri magəraf i iyu. ¹² Kasin ke na kun, tunda kwa kuno ni Nənwa Səku, a dlamina kaɗe i kun bari wara aləma na coci. ¹³ Gaɗa nən a rama na marnyi da dlama magita mi a dumu na məstau. ¹⁴ Atiro in na dlam magita na marnyi nənwa gaye na dlam na magita amman gəshiga bar sukuna bai. ¹⁵ Na dlam gəmo? Na dlam magita na nənwaga, amman na dlam magita na gəshi gaye, zam na dlam ruwa nana zam na dlam ruwa na gəshiga. ¹⁶ In kasin bən na gədlib Səku na nunwa ndawa mi avida a ramau ma tam, "Amin".lakwtu mi kwa sambarkatau in aci ziga be ka ramu bən?. ¹⁷ Ka bar sambarka rankata ,amman waro ba sukuna bai. ¹⁸ Na godetu i səku gaɗa na rama na marnyi na rama na kun mak. ¹⁹ Amman i kun church nin ngalko nda dlam rama na təlam vaɗ i kun sanuta ga gaɗa na gugzi ndo jigab, ɗikana dlam təlam dubu guma da kun marnyi. ²⁰ Yaganaucin, kwa dlaɓa mamu bai i kun i kun kuraram kun. I ɗa be gabshu ngalko kwa dlab nakun kula ɓaɓin. Amman i kun kuraram a dlaɓina marumamin. ²¹ Nda tarnu i kun dumaya ma, dari ndiwa mi magərafcin marnyi na dari magərafcin pirshi na dlam rame ndangu".Duk na kasin akshi a kərəmta ga bai, ramun məgənyi. ²² Wate atiro, maryayin gənawa,i ndak bari jirewa rukshi bai, amman,i ndiwa mak na ndiwa mi bar jirewa bai. Amman ki anabchachin gənawa kin ndiwa mi bar jirewa, amman na ndak buka barik jirewa cham amman anabtata atiye gənawa i dak bari jirewa. ²³ In wate, coci mak de ɗa gayin da dlam rama i kun marnyi gayi, ndak vəda na ndiwa mi bar jirewa bai dattəfai i kunu, akshi a ramau bai ma kwa dlam na kun zuwawin?. ²⁴ Amman, in kun mak kwa anabtata sei nin bar jirewa ba na baci ni da vəda nda ravəna ci dari be mi mak aci kimau.Nda kakalatana aci dari be mak nda ramu. ²⁵ Ashir gəshi gəri dik nda didu. Gaɗa kasin a gutka i ɗa dibakima gəri da dlam nakwane Səku. Aci da ramma ma Kakasku jirewa a gadava wa. ²⁶ Gazan tam wate, yaganaucin? lakwtu kwa de ɗa gayin, tike kun na zabaru, a gugza, i parakta ki marnyi, na məsta miya . Adlamina be tawanke gaɗa kwa ləmi church. ²⁷ In nin tawanke dlam rama na marnyin, da dlaɓa na ndawa shirin ko kwan i nin gayi da kunakshi da mikshi be nda ramau. ²⁸ Amman in na nin a dumugu bin, tike da cim na miya gəri i kun church gu. tike da dlama rama i aɗagəri rugəri na kakasku. ²⁹ Abuzina nabaucin shirin ko kwan ́da dlam rama kwa buzi jigab da kərumci bəlan daji kurak be mi aci ramu. ³⁰ Amman kunu ramau nda bardi nin mi dambasu a ri nakwanan, to baci dlama ramau nda katadu be bai. ³¹ Atiro tike da kunu a dumu na anabtatau gayi-gayi gaɗa tiye dagugzi zam da dlabɓa gawayau. ³² Atiro nənwa nabaucin a diɗak nabaucin. ³³ Kakaskuro kakaskuk kima aɗa bai amman k salam.Sutukuro linok ki churchacin mak kin ndak ɗiga. ³⁴ Amatau da katana miyakshi i kun church gaɗa nda barikshi dəvu rama bai gaɗa kasau akshi da bara aɗakshi kaki be dumaya ramu. ³⁵ In na be mi akshi ancu da zigi nin akshi da jaya məsaskinshi a wunduwa. Atiro bik zhirau ama da dlam rama i kun church. ³⁶ Biwu təlam Kakasku dew da rici bi? zade ci ruci bi? ³⁷ Indeɗ nin alawan aɗagəri aci baci nabin ko Nənwa Səkun, aci dazigadu be ma na tarne kun dik rama dariMəgənyi. ³⁸ Amman in nin sanutu bitku bin, aci da sanuta bai. ³⁹ Gaɗa kasin yaganaucin jirewa amakina anabta, kwa dabta nin wambai i kun dlama rama na marnyi. ⁴⁰ Amman nda dlama be tawanke bəlan i ɗak dəvu.