¹ Dama na dumuna rama na marnyi I ndiwa kaki malekawaɗ.Amman iyu na inyu bin na dlaminga kaki ganga mi adir, ko kuge mi a aɗan gawa. ² kaki ina bari ki be aye wakata,zam na sanuta na jirewa mi gadibsak na zigaya, zam ina barik jirewa mi na dumuna jumbula guguyayin. Amman i nancu nin bin na dlamin ga be wambai. ³ koda na barna be kanai mak naci na ndak tluwa, zam na barna aɗaga nda dligədu, amman in 'yu na intau bin, na sukunu be wambai. ⁴ Intau atu a kimar na ankal. Intau atu a taa gəshi bai ko marəm aɗa. Atu ke kakaɓu bai. ⁵ Ko aɗa gauɗak. Atike intu aɗa bai. Atu a gəshi kaɗe bai, anaa gabshu bai. ⁶ Akəmu karak rashik jirewa bai. I sərum kasin a pərɗai i kun jirewa. ⁷ Intau a kakar tamke ardatingara na tamke, barna jirewa i aɗa tamke, na kanadi i kun tamke. ⁸ Intau a dama bai, inde na be nda ramau damba da dlamin gwiɗ a nutangara in na marnyi nin arɗingara.zigayanin gwiɗ a nutangara. ⁹ Aturo wa ziga jigab zam wa anabtata jigab. ¹⁰ lakwtu b wtu babu zigayau dew nin, be mi damu bən a nutangara. ¹¹ Lakwtu i mayum tunu, na rama kaki mayim, na kuraram kaki mayum. Lakwtu na dlaminga marum tunu, nampa na mayum kwina i baka. ¹² Atiro gususku wa lawan maganu da shi ngaled, amman lakwtugu daa na daa gususku na ziga rap da kunu,amman na zigadu chakchak kaki iyu da zigaya chakchak. ¹³ Amman gusuku gaza be kwan tuku; Barik jirewa, irɗawa i nye kima, na intau. Amman marəm kunakshin intau.