¹ I aɗak barik Nunu Səku yaganaucin, nancu kwa dlaɓə na buka zəgaya bai. ² Kwa zəgadu ro lakwtu kun ndak ɗəga Səku bai, ndaya na kun irik garamcin wara a rama bai, akshi a 'yuwa na kun da duv tawanke. ³ Gaɗa kasən nancu kwa zəgi na nən bata bai da dlam rama na Səku (da mbasci Yeso) se da rik Nunuwa Səku. ⁴ Gususku na bari damadama, amman darik Nunuwa Səku gayi. Na rik wana Səku damadama, amman Məgənyi gayi; ⁶ Zam na zadak wana damadama, amman Səku getak ne a ɗawak shi da dlaɓə i kun tike. ⁷ Gususku i tike nda bari ci tatka wana kə Nunuwa Səku gaɗa paida tike. ⁸ Atəro i ɗagai nda bari ci Nunuwak teəlam asən, i ɗagai kə təlam zəgaya darik zada Nunuwa gayi. ⁹ I ɗagai nda bari ci iman darik Nunuwa səku gayi, i ɗagai ke barik ngatu darik Nunuwa Səku gayi. ¹⁰ I ɗagai nda bari ci dlamak wana kərmai, i ɗagai rama anabci, i ɗagai nda bari ci zəgayak ɓəra gadava Nunuwa Səku, i ndo jigaɓ mar'yi damadama, i ndo jigaɓ məstak marnyanyin. ¹¹ Ndutku mak wanak nən gayi na nunuwa, wara nda bari i nən tawanke, kakə wara aci cikɗu. ¹² Atəro kakə təka gayi na kurak damadama gawa a təka gayi, kasən ke na Masipu. ¹³ Atəro da rik Nunuwa getak mak nda dlami wa baptisma i kunuk təka gayi ko Bayahude ko gərka, ko da tausa ko da ta'i, makshi nda ɗawakshi da shi da Nunuwa Səku gayi. ¹⁴ Atəro təka kurak gayi bai, amman gawa. ¹⁵ In zəgər ram ma, "Ii kurak təko bai." Sutku pulutitu mbasu gara i təka bai. ¹⁶ Aguɗ ke ram ma, Gaɗa ii daa bai , i kurak təka bai, sutku ke pulutitu təka bai. ¹⁷ Inde kurak təka mak daa nən, wate kurak kərəmta a dlaɓa da rawan? Inde təka mak aguɗ nən, wate kurak fona wam a rawan? ¹⁸ Amman Səku sərmu kurak təka tawanke kakə wara aci ancu. ¹⁹ Inde makshi kurak gayi nən, wate təka a dlaɓə a rawan? ²⁰ Gususku kurak gawa amman təka getak. ²¹ Daa a rame amai bai ma "na be na dlam na kəm bai. Ko aɗa da rami zəgər ma, "na be na dlam na kəm bai." ²² Amman kurak təka wara na awayu bai mak dlam nakshi na paida. ²³ Kurak təka wara nda tumantu na paida tlapar bai, wa barik shi ma aɗa tlapar, kurak wara wa makshi i ɗa be wambai, na martapa tlapar. ²⁴ Gususku kurak wara wa ma aɗakshi dlam bai wa mi aɗakshi na kərmai. Amman Səku nəpkəna tike iɗa gayi, aci barə kərmai tlapar i nən wara na atu bai. ²⁵ Aci dlam kasau gaɗa go ɓəra i təka, amman kurak tawanke da ankalci yagana gara na ntuta. ²⁶ Wate lakwtu kurak gu a bone nən, gagzhin kurak gu mak asau, ko nda lawan kurak gayi martapa nən, gagzhin gu mak a pərɗai aɗa gayi. ²⁷ Gususku kun təka Masipu zam tike kurak gəri. ²⁸ Səku bari mawanak sukur i coc, mashirin nabaucin, makwan malamcin, ndawa wara dlam be na kərmai tlapar, na bərəɗ ngata, jigaɓ a bari bana,ndawa wara rakən na wana, na ndawa wara na marnyi damadama. ²⁹ Makshi mawanaucin bi? Makshi nabaucin bi? Makshi malamcin bi? Makshi a wana kərmai bi? ³⁰ Akshi mak na barik ngata gənən bi? Makshi a rama na maryi bi? Makshi a parakta maryi bi? ³¹ Amakina bari gawa na awayuk təka. Amman na tatka dikun duvu wara chanduwa.