¹⁰ Nancu kwa dlaɓu na zəgaya, yaganaucin, gaɗa afafkinwa waci makshi a dəɗa kəraɓak wara nutu da aɗak anku. ² Chakchak nda dlam dikun baptisma i kunu Musa i kun kəraɓak na kunuk anku. ³ chakchakshi taa bikta ramak Səku getak. ⁴ makshi sa am ruhaniya jiri getak. Akshi sa da guguyak Ruhaniya wara ɗəgagshi, guguyak gu acine Masipu. ⁵ Amman Səku kəma karak gaawakshi bai, guvakshi gawa da waya a kunuk pata. Gususku bitku mak gənawa i riwa, wate wa dlam be gaɓshu wambai kakə akshi. ⁷ Kwa dlaɓa ndak zata garəm bai kakə jigaɓshi. Sutku da tarna, "Ndo mbasu da chi da shi ke, akshi a suwari na ntu tapai a gəshakshi." ⁸ Wa dlama tapi bai, kakə gawakshi wara dlamu. Ndawa dubu guma ayawo shirin rabu gafa gayi gaɗau. ⁹ Gaɗa kasən, wa kaktla Masipu bai, kakə wara gawakshi dlamu mbikɗaɗin da jib rəbakshi. ¹⁰ Kwa dlama ngurngur bai kakə wara gawakshi dlamu, gawakshi da jib rabu da rik maleka mutu. ¹¹ Gusku kasau bitku wakatə i akshi gaɗa da dlamən gara gənawa ii wa. Nda tarni wa gaɗa gugza i wa iɗak zaman dengara i dadigəri. ¹² Wate nən tawanke wara aci a lawangu ka aci dar'i da dlama ankal kar aci da dagamən gəri. ¹³ Go jarabta wara nda dlami kun wara nda dlami nəngaiwa bai. Gaɗa kasən, Səku baci jirewa. A bəza kun da kaktlə kun da rəmə na awayu kun bai. Aci a tatka dikun duvu katu darik kaktla, gaɗa kwa dəmu kwar'i nakun i miyau. ¹⁴ Wate, ndak ntuganai, aivina na ɗega garamcin. ¹⁵ Na rame kun gaɗa ndawa wara na zəgaya, gaɗa kwa kaktli be wara na ramau. ¹⁶ Kambi kə barka wara wa barkawatau, atu ne be wara wa tarɓau i kunuk dədəm Masipu bai? Bərodi wara wa pəshashirau ke atu wam wa tarɓo bai i sərən təka Masipu? ¹⁷ Amman gaɗa na bərodi gayi, wa gawa ke wa dlaɓə nawa təka gayi. Wa mak wa kiɗa bərodi gayi iɗa gayi. ¹⁸ Aikin ndak Israila: akshi ne ndak ta sanam i aɗak bagadi? Na rama gəmo wam zam? Ma garəm be ɗagi bi? Ko bikta wara nda ɗəvari garamcin ke be ɗgi bi? ²⁰ Amman na rama i aɗak ndawa wara zəga Səku bai kərdaucin a barik sanam shi, gaɗa bari bitku mak i zuwawin baya i Səku bai. Nancu kwa nəɓka aɗakun na zuwawin bai. ²¹ Kwa dəmu sau da kunuk gərgiya Məgənyi kwa shi da kunuk gərgəyak zuwawin ke bai. Kwa dəmu nəɓka aɗa i tebur Məgənyi na tebur zuwawin ke bai. ²² Ko kwancu wa ɗawu na Məgənyi i guru? Wa rəma na aci i awayu bi? ²³ "Tanke kalkal," amman tanke bai na paida. "Tanke kalkal," amman tanke bai kə ləma gənən. ²⁴ Nən da maka be wara a paideta gəri rugəri bai. Gaɗa kasən, tike da maka be bəlan i makaput gəri. ²⁵ Ka dəmu na ta be wara nda ɗuɓdu i asək go jaya gəshi. ²⁶ "Duniya ro kə Məgənyi na bi kunu gara mak." ²⁷ Nən bar jirewa binən, ɗauri ci i ta bikta nən, ka kasaktə naci nən, aci be wara ndampe ci i kəmaci go jaya da kunuk gəshi." ²⁸ Amman ɗagi rami ci ma, "Biktatəku ro dari sanam garamcin," ka ta bai. Su gaɗa nən mi rami ci, na gaɗa gəshaci. ²⁹ Na ram bai ma gəsha ci amman kə baci rame ci. Gaɗa gəmo be gəshin ndawa ancu ma na dlami? ³⁰ Nata biktau na sambarkata Səku nən nda nanga gaɗa gəmo i aɗau, gaɗa na dlam sambarka? ³¹ Gaɗa kasau, ko kata ko kasau, ko duk be ka dlamau, a dlamu gaɗa saksakta Səku. ³² Kwa dlaɓa duvu dagamu Yahudaucin, ko Helinaucin ko ndak Coci bai. ³³ Na dlam azama na rri gəshik ndawa na makə sukuna aɗa ga bai amman kən ndawa mak. Na dlam kasən gaɗa akshi dabi rra.