1
Ki bei woi kaban moishe maleikaku hoɗo a erno hangal dunyas hoɗo, ngahangkok hiblakui hoɗoi dunya zina, ki ka kada bui dunya, ɗo ka haushi, ɗo ka shohoi yo'oto.
2
Kaban moishe malaeika yo'oto isnok bei jeri, yo an hatimik Ndeyi a zau. Iko wundik ɗolyos na'ako ki maleikakui hoɗoima onansu bille maite dunya ki haushi.
3
"Kadang maite dunya, kihaushi ki mi ro bu kadan nami zangko hatimi bodohok biya Ndeyimmu."
4
sheiki mauei zansutik hatimi : 144,000, yo zohansu hatimi ki tong shida Israilai yiya ke;
5
dubu dir bolo tong shida Yahuza,
dubu dir bolo tong shida Ra'ubainu,
dubu dir bolo tong shida Gad,
dubu dir bolo tong shida Ashiru,
6
dubu dir bolo tong shida Naftali,
dubu dir bolo yong shida Manasa.
7
dubu dir bolo tong shda saminu,
dubu dir bolo tong shida Lawi,
dubu dir bolo tong shida Isaka,
8
dubu dir bolo tong shida Zabaluna,
dubu dir bolo tong shida Yusufu,
namik dubu dir bolo tong shida Bilyaminuzansu hatimis 'e.
9
Ki bei ei maye shaf ne moiko, kaba woi dahis so'oto shei so an ngoiu a gita masi bu ki tong lei shida zuryas siya, shida, algi ki shida bonsuia anshe a erno dom njakɗas dom lah Gyam ye'e. Oklangko karei yo hetre zugonsu ki kuma dibino saransu.
10
Ke a wonɗik ɗolya geɗo: "Wangu ɗeyitok Ndeyimmu yo a ɗeino ka njakɗa, ki lah Gyam ye'e.
11
Maleikaku shaf a ernokokrangkok njagɗas ke ki koknakui mayeki ana zau mayei hoɗoi 'e, sunangkok hahawo huskaku kaɓshe njakɗas 'e. 'yangko kubeshik Ndeyi,
12
a anshe ta, "Amina! Kuyu, namaka,mantu, Kunani an bo erno yo bu! Amina!"
13
Moishe moɗik tong koknakui dolko ne'e, "mamaye mi li, ana karei hetre ye, ke jo hatanok tiya?"
14
Namin ani, "Bah ngo,Komanoti," nami ano ta, Mamaye hetenok tong Maitos Yam. Hushankok karei su matansuko hetre tong dom lah Gyam.
15
Ki ka woi ye'e, nzuni dom njakɗak Ndeyi, ke a isheni kubenshi beɗi ki hoti a tong ban ɗonshu ni, Siy yo a ɗeino ka njakɗas a ɗeyinni gidba kasu.
16
A sauwidi kola kizi ham bu. Hoti boka nzuni bu, ɗo lei shida kolshis siya so a bokshe ngo .
17
Ki ka lah Gyam yo a tintil njakɗas a ɗeyinni a ɗeyi su, ke joa mokinsu be'i hete ham yo zau, ke jo Ndeyi sa'atik yeluk idansu."