¹ Ne moiko jajum yo la Gyam ye aha moɗik tong hatimakui babiloi'e, kaban koshe moɗik ton ana zau yo hoɗoi angkok ɗolya kit aradu, "Nditi!" ² Ne moiko kaba woi doi hetre, yo a beini an ringka saranni, ke jo onani alyahu. Heteno deinok ngoi itkok nasara kika itkok nasara. ³ Jajum yo La Gyam aha hatimi so bolos, kaban kolshe a zau yo bolo angko ta, "Nditi!" ⁴ Moishe doi yo'oto heteno henadei yam. A ɗena siy onani namtik ɗeinok lahiyak dunya. kika biyanto dudge zehe. A ɗeshi woi onani dirbai na'ako. ⁵ Jajum yo La Gyam aha hatimi so kunus, kaban kolshe a zau yo kunui ankota, "Nditi!" Ne moiko dos wunu a deshito an gerwale karya saranni. ⁶ Kaban kolshe ḍolyas so'oto ki tong ana zau mayei hoɗoi ta, "Gerwale sawa moɗi ka ruta goli, ke jo gerwale duwaro kunu. Me kadak kasto mor ki ham mabi bu." ⁷ Do la Gyam ye aha hatimi so hoɗoi, na kolko ɗolyak yo haɗok tong ana zau ye ta, "Nditi!" ⁸ Kaban moishe doi yo'oto hamni kukuto. A ɗeshinni onani sun Mato, Hades ke a ɗefshe beini. Onansutik gedo ki tong hodo dugtik kunuk dirɓa, kizi ki mure lahiya, yo sheiki biyai dunya, kunui ke jok karei riyai dunya. ⁹ Do La Gyam aha hatimi so bad se, a her Bagdi ne moi zauki mayei dugyankok ka eni Ndeyi, ki sheidas nzuni ngahangko. ¹⁰ 'Yangko belek dolyas na'ako, "Kaba tamiya auwaiya a Mene shafto, Ngoi bu'uno ki a jire, ko sheryanta ana deino dunya, namik biskemu hakkik dommu?" ¹¹ Lei yiyak hawosu onani karei, yo hetre ana ansu ta sauwidi geshe yo sommodi shim har kabana sheiki sha'ensu ana ruta Ndeyi ki yagenakunsu goraji ki monde mayei dugyangkoi ngamko, kit shida yo dugyangko nzuni. ¹² Do La Gyam aha hatimi so ba'ahimoɗis, ne moino kaba woi dide eli. Hoti ito wuni ke karei yo uunu, tere ke deyinni kit dom. ¹³ Jenjakui ɓaɓa ngektensu eli, kit shida ro mormi yarɓa le itos nukobu, jajum yo hibla na hinɗeno. ¹⁴ Baa ke bo'ito kit'yak lalaunas boɗanto. Lei gosho ki guzarei yiya ke nza'atansuk bei ɗeinonni. ¹⁵ Kaba ma'inshei dunya ki manakshi ki ma' inshe ana kesi, ana dara, ki ana mene, ki lei shida ngoi yiya ke, ngaru ( baya) ki lai bano bubungkangko tong gosho ki genga hare. ¹⁶ A anshek goshaku ki mi guzare, "Ngaktati kammu! Ngu bungkimuk huskak woi a ɗeino ka njagas' e ki yabtu tili La Gyam ye' e. ¹⁷ Kika baɗik na'akok yabtu tilini ndinto. A gita ershei lo?"