¹ Nami jon moi ɓaɓa hoyo ki elis hoyo, kika ɓaɓa so tonos ki eli so tonos gyeɗato ki hausi ke andi jobu. ² Ne moiko gyadanis bu'uno, Urushalima hoyo, so urno elik ɓaɓak gya Ndeyi, ramteno kit marko so mijinto. ³ Ne kolko algi gya mene anshe, "Moyi! Dei ɗeinok Ndeyi an algi, si ɗeya zuni, zuni ɗeya biya, si Ndeyi, guda kanni ɗeyak zuni. Zuni ɗeya biyani sike ɗeya Ndeyinsu. ⁴ Si damatik lei sida yeleu yeyak idansu, a ɗeya wara mato, yado nama bele, do golla. 'yai onzi shaf gyeɗanni. ⁵ Woi a ɗeino ka menei angkota. ''Moyi; Lei miyan iko si hoyo.'' Si ta, ''Turi woi'i'e, kika eni woi an lerei hawonibu ke jire. ⁶ Si ana, ''Ei maye ittini ne'en alfa ki omega, yo somuni ki bo oni ham ki tong zorok ham yo zau. ⁷ Ngoi yona tuko kesi me a tina gyadok ei maye'e. ken ɗeya Ndeyinni, si ke ɗeya Lah no. ⁸ Me boyo ndahi biyai onangko jirebu, ki ona bukɗa, ki anadugya zau ɗaha-goro kek ona ngadar bei ɗeinosu tong be'is yesi so hano. wato mato so bolo." ⁹ Moɗik hawok malukaku babiloi dino gyemano, yo sarani an gyarwale babilo ngamhokaloba babilo yo fata kanni ankota. "Dati wonɗe. Ne tamko marko,man lah gyem.'' ¹⁰ Namko ne'e tong kelu gya goshos gyabanis bu'uno, Urshalima, isno urshek tong ɓaɓa ki gya Ndeyi. ¹¹ ''Urshalima an nama kok Ndeyi hawoto iko subak goshos zina, kit shida goshos bu'uno so yasfa. Zina yam. ¹² An sali na'ako so gyera, ki bo, dumbno dir bolo, ki malukaku bimmad dir bolo bodubnos'e. A ɓaɓak bo dubnos me turangko sun shida dir bolo yo mila Israila. ¹³ Ki boi jiniy, an boh dubno kuna, ki boi haushi an boh dubno kunu. ¹⁴ Sali koro gyabanis an zena sheke sali dir bolo yo lah Gyam. ¹⁵ Yo iko enik ne'ei an zawa stamni yo dinar yo gonni kaffandi gyabannis 'ye, boh dubnos ki salis 'ye. ¹⁶ Gyabannis karangkote korno; Gyera to modik boh erta. Si kafta gyabannis ki zawa kaftu gyerangto mu dubu dir bolo. A erno.(Na'ako hawoto, ki datito shaf moɗi). ¹⁷ Si ksfta gyerak salis'ye moh, 144, daɗok salis'ye, wato kit shida kaftu ngo. (Woi kaftu malaka). ¹⁸ 'Yangko salis ki gyebannik Yasfa ki dinar so zina so iko subak liyar. ¹⁹ Zena sheke salis, 'yangko karei ommu shida gosshos zina le srya. so tonos yasfa, so bolos saffir, so kunu agot so hoɗos emerald. ²⁰ So baɗ, onis, so ba'ashimoɗis Sardiyus, so babilos kirisolat, so horɗos beril, so ɓanus tofaz, so bimad, kirisofanos, so dir moɗi, yakinta, so dir bolos ametis. ²¹ Boh's dir bolo's luluɓu .Lei boh dubnos seya yangko tek luluɓu moɗi, lei ludai gyababbis me dinar so jina. Kit liyar a talku. ²² Ne moiko ban Ndeyi bu tong gyabannis'ye kika boti Abammu Ndeyi ki lah gyamye zuni bon ɗoshungsu. ²³ Gyabannis an daltu hoti, nama tere so takkungtubu kika mene Ndeyi talku kato. ke asi balbal yo ke lah gyam. ²⁴ Ma elis shaf a moishek talku gyabannis'e ma'ishei ka eli shaf a moiktu karei ommosu hawoto. (Turesis magyaf, ta elis walitoi a ina marshek talku gyabanis'e.) ²⁵ A hena bantonu hoti, ke talku deyi wondibu. ²⁶ Zuni moktu 'yak ado ki nama ka eli hawoto. ²⁷ Ke an ei disa rita hawotobu. Ke an ngoi yo iko 'yak kawa nama ngadar a rutabu, me kaba mamayei sunsu tureno tong lalauna zau.