¹ Ki bei ei manayei, ne kolko ei iko kit ɗolyak biya shei a tong ɓaɓa a asheta, ''Nama ka Ndeyi. Wangu, mana ka ki geɗo so Ndeyinmu. ² Sheryamu so jire ki zina, kika si ikok sherya mandui na;ako yo te ɗeino guda kato.yo yafta eli ki azanto. Si namkok tuhe ki ka dom ngarunsheni yo te guda kato kasko." ³ Nzuni 'yangko eni ka bolo ''Nama ka Ndeyi! Olyo hinɗak gyamangto an bo ernonto bu. ⁴ koknaku bi bolok hoɗa ki 'ya zau hoɗo jomangko guda kasu nami nam ka Ndeyi yo ɗeino ka jagɗak mene. Nzun angsheta, ''Amina. Nama ka Ndeyi;'' ⁵ Kolshe ɗolya hetenok ɗeino mene, a angsheta, ''Nama ka Ndeyinmu, shafku ngarangkuni, nguni man zubani, shaf biyai sareisu ki ona geɗo.'' ⁶ Moishe ne kolko ei iko ɗolya kit ɗolyai biya shei, kit kurik ham, ke kit ɗolyak gajimare a angsheta, ''Nama ka Ndeyi! Ki kika Bomu Abano zug mene, Ndeyi yo an mene ka shaf ei miya.'' ⁷ 'Yamu kuyu ie kuyu yam nami mu nam kani kika sommoɗi bkik babnok la temski teɗento, markoni ke ramtitko kato. ⁸ Yardantoti te zof kaeito yo hetre ki alwayoi bu'uno'' (Ki ka alwayoi a tamshe rutai zina so biyai keluk bo'uno). ⁹ Taktaka anota,''Turi woi ye'e: Ana barkai mamayei wundangko nzuni be'i biki babnok la Gyam ye 'e.'' Si jo ano, Woi eni jire yo Ndeyi.'' ¹⁰ Ne joma nem guda kanno a dom shekeni ɗon ini kubeshi, si me ano ta, ''Kada ko 'e ka'a bu; Nen ngaru kit koi ki yagyenakungko yo onangko sheida ka Yeso kelu 'ei yo hele.'' ¹¹ Ne moishe ɓaɓa aha, ne moiko namin moyi an dosshoi hetre. Ngoi beini me a eshasi ngoi jire ki zina ki rutangta jire a ishe sherya ki kesi. ¹² Idani kit yesis hano, kanni me bo'on kit so ma'i si an sun tureno a zugoni yo an sun tureno a zugoni yo an ngoi manta bu me kaba si guda kann. ¹³ Si ke zofko karei yo zohani tom dom, suni ke a Wunda ta eni Ndeyi. ¹⁴ Ana kesiy baba a dafshe si a bei doshngko hetre, zohangko alwayoi zina zigongsu, hetre ke bu'uno. ¹⁵ Ki boni me a tetes dirba so ramteno yio si olshendi biya eli, namisi deyi a na'akongsu ki zawai boyu. Si risheni tong korik ham shomshom so inabiy Ndeyi Na'ako. ¹⁶ Andi sun tureno aka "Kareini ki ka Abanos bobeyi ana bano.'' ¹⁷ Moishe ne moiko taktaka a erno bo hoti wunda shaf yaringsheimarshe baba a tong dolya gedo ta, ''Ndati, daha zug zehe be'i modi kika bikis na'ako yo Ndeyi. ¹⁸ Ndatik hadi luk ma'inshe, lu manakshiy ana kesi, lu manakshiy biya, lu doshaku ki ana dena nzuni, ki lui biya shaf ngoi tong kunshi bu ki ngaru, ngoi an herni bu ki a gedo.'' ¹⁹ Ne moiko ei riya ki ma'inshei dunya ki ana kesisu. Nzuni zug daha do 'e kesi ki ngoi da dosho ki ana kesini. ²⁰ Ei riyai ngahani ki si me an nabiy rerei yo 'yangko 'yak mangmoni idani. Ki 'yak monmoni mamayei si ngafko hankal mamayei biskangko lambak ei riya ki yo iko kubeshik keluni. Biya boloi me a shaftinsu ki zausu tong yesus so zugonto hano. ²¹ Kinensu me dugangko nzuni ki dirba so hetenok bo ngoi da bei dosha. Shaf yaringshe me hadangkok luhana matoi'e.