¹ Ki bei ei mamaye'e, ne moiko maleika 'yo oto a urshe ting ɓaɓa. Si an na'ako gyedo ke eli nyamitok nama kanni. ² Si iko wondu gyedok dolya ɓaɓaie, ta. "Ngete, ngete Babila na'ako' ie ɗeyi beu deunok so hifla, bei bunkok lei shida rayiy yeya. ³ Kika shafki eli lei seya satkok ham inabik disak dunos 'e. Mamshek kaeli 'yanko disa dunok te. Ana gogamai ka eli 'yanɓu darak ki gya deinok azato." ⁴ Nami koi dolyas so'otok ɓaɓa a anshe, "Hatatik hawoto biyano, do kadang biske alobatobu. ⁵ Zunhuti dalutooo oshei ki elik diri ɓaɓa ke Ndeyi dikok disak rutanto. ⁶ Tuhetoti 'yanto kit shida yo te tulie ma gyef. Metetuti bo bolok shida ei te iko. A tong gyerwabi te waikai, waikeito ka bolok shidani. ⁷ Shida yo te namshe katoia deinoto so kola jei.Onanto maito yam ki jikyayi. Te anshe tong tilinto, ne deino kit badi mai, nen daushebu. Ken dangɓa moya belibu." ⁸ Ki ka ka'ai a tong sommodi modi aloba dubu. Mato, bele, ki kizi, Yes, tunko kika bomu Ndeyi si na ako, ke si a ishento shanya." ⁹ Ma'inshei ka eliy 'yanko azas disa so wara bo ernokte a ina bele ia jikyayi. Nami a lula kato ɗona moyanko alyok bokat. ¹⁰ A era kika zubak maitoto anshe, "Tititu, titituk gyabanis gyeɗo! Kika a tong jasum modi, maito she dento." ¹¹ Ana gomai ka eli a jikyayi so belete, ki ba an ngo, a dafshe billanato jobu. ¹² Gomanto yo, dinar, azurfa , goshos zina, linen yo dinar, ki lu'ulu'u bu. Ki lilin yo soku, ki karei yo subani dei ki bababa ki silik ki shida shoho atursa lei yiya. Ki karei yo yamangkok shoho zina, ki tagulla, ki yo oyui uunu, ki yo goshos an talku, ¹³ kajiji, ki artursa so yesi, ki mur ki luban, ki ham inabi, ki mor, ki haftik hai, ki komshine, ki temkaku, ki dokunshe, ki kekek donaku, ki ngaraku, ki algi ana zau, ¹⁴ Shaf ki ei yo ka si andiyi ki gyedo's so ka si andi y wusanshin ki zei ki ommos, bo'yansu bolo me metubu. ¹⁵ Tim ici ana Goma yo anankarei yo yanko darak zugonshi a era gyerate, ki ka zubak bele, ici moito so 'yabtanak tili. ¹⁶ Zuni ana ta, "Titik, Titik gyebanic wushes na'ako so an karei liln yo ziknen zugonto, yo bababa, ki yelenja. Ke 'yanto adok dinan masur yo zina ki goshes zina. A tong jajum modi shaf ki 'yei maye wuyafu." ¹⁷ Shafki a tuba gyerei ham, ki biyai hawonni, ki ana tuba gyerei ki shaf algiy a wa'i yo deinok dunya ki tong ham eranko gyera. ¹⁸ A bele nami moi olyǝk bokshi. 'A anshe ta: "woi shida gyebanis seya na'ako ka'a ye? ¹⁹ A kashe eli kafu a bele yam ki yaftenok tili, "Titik, Titik gyabanis na'ako woise, bealgi shaf anan gyereisu. A hausis 'yanko darak hawoto. Atong jajuar sim laktamtoko." ²⁰ " 'Ya kuyu, kato, ɓaɓa, nguni ana dafs, anaduno kusa Yeso ki nabaku' ki ka ndeyi mokinkok sharyatku kato!" ²¹ Maleikai na'alco gosho kit shida bunik eso nami olli tong hausi, a anshe, "Ka'a k'e Babila gyabanis na'ako, a ollintok gyeɗo me moyate jobu. ²² Adir so ana bena bangama ki meleic ki ana, sherewa, a koldi sibu hawoshi, an ana rutai sara hele hawoshibu, a kolla a div ana gizobu hawoshi jobu. ²³ Talku ashibalbal a hele hawoshibu a kola dolyak marko ki mizintobu hawoshi jobu. Kika ana aomai milla ma'iy a eli ki dunya ba'yansuk ka deinsk ngastarsi. ²⁴ A hawosiy dom nabaku ki so ana daha Yeso, a wonɗi ki yo shaf ki algiy dugyanko ka eli."