¹ Namin moiko suba 'yei yo'oto tong ɓaɓa, na'ako ke 'yak monmoni: Wonɗi an maleikaku babilo ngahankok aloba babilo ki nzuni a tataka yabta tili Ndeyi. ² Ne moiko ei heteno tong haushi boka so waikenok yesi. A erno gyenga haushi biyas mamaye tanko diro ka ei riya ki subani, ke ki shaf ki masni ka suni. Nzuni ngafyanko rubiso Ndeyi onsu. ³ Nzuni ara arko Musa, ngaru Ndeyi, arko lah gyam: "Na'ako ki 'yak momoni rutangko, Bomu Abano Ndeyi, yo a mene ka leilo. Zina ki jirei billanko, Mai lardi shaf. ⁴ Ngo yiya kola zubta ko bu, Abano, ke namaka sunko bu? Ki ka ko moɗa ko bu'uno. Lardi shaf dutu ke jome dom ko ki ka zinak rutangko tomanko algi." ⁵ Ke bei ei mamaye, ne moiko, ke ban Ndeyi an sangaya yo shaidu eheno ɓaɓa. ⁶ Ki tong beis wallak lei tiyak bu'uno ki wondi maleikaku babilo hetenok aloba babilo, karei yo zugonsu an bukɗo bu. 'yankok danar bo gyeban su. ⁷ Moɗik tong ei riya hoɗok anan zauonko malekaku babilogyerwale yo dinar babilo ngamnok yabta tili Ndeyi so an zau an bo teken to bu. ⁸ Ban Ndeyi ngamnok nama ka Ndeyi ki gyeɗonni, an ngoi gitkorishe bu kaba na takanko aloba babilo so maleikaku bobilos 'e.