¹ Ne moiko Gyam a erno ka Goshok Sihiyona, A gyemeni an biya dubu dalmak ki bi hoɗok hoɗo yo an suni ki sun bobi tureno bo duhonsu. ² Ne kolko ɗolyak tong ɓaɓa adir kit shida so ham ki girim ki Yamba. Girim son kolkos kit shida so ana mele buishe melensu. ³ Nzuni ara arkoi hoyo dom mene ki dom ana zau hoɗoi ki koknaku. An ngoi gita shuta arkoi bu kaba dei mamaye dubu dalmak moɗi ki bi hoɗok hoɗo (144,000) yo hoɗano nzunik tong eli. ⁴ Mamaye biyai yabtanko kasuk bei aza bu, ki ka ngahankok kasu bu'uno 'yano aza bu. Mamaye ɗahangko lah Gyam lei beis si gonni. Mamaye kajangko nzuni hawok dunya shaf biyai kit lei roi yo tono yo Ndeyi ki lah Gyam. ⁵ An rerei bonsu bu, ke wanko nzunik ei disa bu. ⁶ Ne moiko maleikai yo'oto, a gesyo ɓaɓa yong hibla, yo an somok zei si anshek algi'i dino ka Eli-ki shaf ki lardi ki, shida, linso, ki algi. ⁷ Si wundak dolya ɓaɓa, " Kola zubak Ndeyi onani na'ako. Ki ka jejum sherya ni dinto, joma domni,si yo iko ɓaɓa, eli, haushi ki zorok ham. ⁸ Maleika yo'oto- maleika yo bolo-ɗafko anshe ta, " Kato ngeti ngeti Babila so na'ako yam, so zofko lardi shaf se ham inabi yo gidim azan to." ⁹ Maleikai yo'oto-n yo -kunudafno zinik dolya geɗo anshe, "Na leilo juma dom ei riya ki subani'i, ke biska jende bo duhoni na ma sarani, ¹⁰ si ke sena ham inabi yo yabteshik tili Ndeyi, inabiy kasano wara waiku tong gyerwale yabta tilini. Ngoi yo sai a ini maitok yesi ki hano dom maleikakuNdeyi bu'uno ki dom Gyam ye'e. ¹¹ Olyos tong maito su hinɗa ɓaɓa an bo erno bu, ke anandi huti bu beɗik hoti mamaye a joma dom ei riya ki subaniy ki shaf biyai biskanko suni. ¹² Woi wundu haɓri gya mamaye bu'uno, mamayeiɗahankoko uhe Ndeyi ki ona jire tong Yeso." ¹³ Ne kolko ɗolya ki tong ɓaɓa a anshe ta,"turi,woi ye'e:Biyai matanko yongbomu a banoi anan barka" ka'a" ankoi Kelu, "ki ka nzuni hutek tong nginhu su, ki ka rutansu ɗafshe nzuni." ¹⁴ Ne moiko, jo an keɓe htre, a ka keɓe me ngoi yo'oto deino kit lah ngo, kanni bo ɗeinok rawanik dinar sara ni ke angojis bonto tano. ¹⁵ Kaba moishe maleika hetenok ban Ndeyi a wundik dolyak ɓaɓak gyeɗo ki ngoi woi a ɗeino ka keɓei: "Nam leuditko saratko ko some gyeshi ki ka sommoɗi zunko ndinto" ¹⁶ Kaba woi a ɗeino ka keɓei wurgya gojinis a kadunya, nami zunkitik dunya. ¹⁷ Maleika yo'oto heteno henak tong ban Ndeyi ɓaɓa, si ke shaf an goji. ¹⁸ Jo maleika yo'oto heteno tong bagadi boka atursa , yo an gyeɗo ke woi yo an gojis tanos ta, "Nam gojitkos namik ɗahe inabi nino ki tong roh inabis tong dunya, ki ka inabi nuto." ¹⁹ Maleika wurga gojis tong dunya ɗo dahetu zunko inabi takta te tong woka na'ako yo a ɗeyaham yabta tili Ndeyi. ²⁰ tubangko tuba ham ye bei gyabani, dom hetenok hawonni har bolkok bo gebak doh har mel dubu ki dalma ba'ashimoɗi (1,600).