¹ kaba moiko ei riya yo'oto isnok tong haushi. Si an ɓalu bimmaɗ ki ka babilo. A ka ɓalui an rawani bimmaɗ, ke a ka ni andi sun ngadar ka Ndeyi. ² Ei woi ni moikoi kit suba gungu. Shekeni kit yo beyar, boni shida yo turum. Kaba diragon oni gyeɗo ni, ki meneni, ki shaf ki mene ni. ³ Moɗik tong ka ei riyai an wuro yo zobko mato ni. Me disak refeses kitbdaramni. Shaf ki lardina monmoni ɗo dafshe bei ei riyai 'ye. ⁴ Nzuni juma dom diragon ye'e ini rutaki ka si onko gyeɗonnik ei 'ye'e. "Anshe tango yiya kit ei woi'e? ke ngonyiya giti washik si?" ⁵ Ei riyai onani bo yo ina eni yo ngadar ka Ndeyi. Onani tik gyedok eni yo tere bi hoɗok bolo. ⁶ Nami ei ei riyai ehe boni ei enio disa ka Ndeyi a yafta suni, ki bei ɗeinonni, ki bei a ɗeino ɓaɓa. ⁷ Ei riyai wusaniti ei kesik ana ɗaha Yeso ke tuitk gyeɗonsu. Ke, ona ni ti mene ka shida shaf, algi, linso lardi. ⁸ Shaf ngoi a dei no ka eli jome domni, shafki ngoi suni tureno bu, tunki zina dunya, tong tagyardak zau, so lah Gyam yo karangko. ⁹ Lei lo na an kumo, koli ¹⁰ Leilo yo naman ko si baya, si go tong baya. nama leilo a dugya sik dirɓa, ke a dugya sik dirɓa. Woi wundu so hatrik dauru, ki ona jirek biya bu'uno. ¹¹ Nami tang moi ei riyai yo'oto hetenok tong eli. Si na ɓalu bolo kit lah gyam ke eni shida yo dragon. ¹² A rutak shaf ki gyeɗo shida yo ei riya yo tonoi a ka idani, nami zof eli ki biya a deinop ka to jome dom ei riya yo tonoi 'e- yo morkoni'i darintoi 'e. ¹³ Si rutanta nakshik 'yak monmoni, har zobko yesi urtu ka elikɓaɓa dom algi. ¹⁴ Ka 'yak tamyas wusani si 'ye, me tabintitkok biya deino elik ka billa. anshensuɗo ramte suba 'ya yo nama ka ei riyai an morko regeshik dirɓa, me matko bu. ¹⁵ Wusaniti ta si on nesum ke ei 'yanko tong suba ei riya 'e ki ka ei 'yanko tong subai riyai 'ye eni kunze shafki ei ku'uko joma dom ei riyai dugini. ¹⁶ Jo zofko leilo, yo zina bu ki9 gyeɗo, a dar ki a mure, bnaya ki ngoi baya bu, biske tureshi zuk sara tina na ma bo duhunni. ¹⁷ Ngoi leilo na an tureshi'i a giti kejeshi nama boita na suba ei riyai 'e, wato, masnik so suni. ¹⁸ Woi a wundu so mantu, na ngoi an sunam, ɗeyi mas shei ki ei riya 'e. ki woi shei ki ana zau. masnini 666.