¹ Yo tatabuni, yagyanano, 'yakuyuk a bano ,kika tuneshino so ikudi ka 'ya mamaye yoi, 'yakdetibu, 'ya mamaye a rihanguni. ² Za idanku moya adinshe, za ido ka ana ruta disa. za idanku ka ana ɓafta zugo ³ Kika ɓatoi muni. muni rutantuk kelu Ndeyi, munim an jukta ka tong Kiristi Yeso. kem anandi gyeɗok zugo tong loi zugo. ⁴ Kika ne'e ken an gyeɗo tɗiloko lai zugo na lei ngoi yiya anche ta an gyeɗok zugo kalei zugoi, yono walla. ⁵ Yono ɓato ka sommoɗi horɗo,yo biya uraila yo shida Benjemen, anangko Ibraniyaku; me na uhei a Farisya. ⁶ Ki boyo ne moita bang Ndeyi, a boyo ruanta zina bo har uhe, ne an leibu. ⁷ Me lei miyan an dombu hawoniy ne moishe kit gneteshi kika Kiristi ⁸ Ka'a kaiso moishe shaf ki mamaye 'ya neteshe kika ngoi na'akok mantu yo Kiristi Yeso bono a bano, ki kani ne wusko lei shida ei miya shaf. ne moishe zuni 'ya sene kika ɗo ne we Kiristi ⁹ ke helek gamni nen rutanta Ndeyi yono yo kanno tong uhe bu a ka ka'a ne an ruta Ndeyi zina a tong una jire tong Kristi. Rutanta zina a hele gya Ndeyi, kika ona jire. ¹⁰ Kaiso ne dalang mentesi ki gyeɗok hinɗuni ki duno moɗik maitoni. ne nda ne shashinno tong ndaltu ni ki matoni. ¹¹ Ka'a lei lolo ne mantitik hinɗuk ya biyai mantangko. ¹² Jire bu tam biskitkok ei mamaye'e. naman takansu, me,ne sarshe gyeɗonni dom ngaf ei Kiristi Yeso ngafko ne'e kani'i. ¹³ Yagyano, nen anko guda kanno tan watkobu me andi 'ya moɗi ne mantikkok ei gyeɗanni ken zufko tilino kai ei a hele dom. ¹⁴ Ne ruta yam aka ne togyeɗok ei ne zofko domnon gyede dom a ka eshik Kiristi Yeso. ¹⁵ Shaf mu yam 'y me na difna yammu noksiy 'ya mu dibna ka'a me na difna gyedgyedai ka ei otoi, Ndeyi tamkotik 'yaye'e. ¹⁶ Shafki ka'a, lei meya nam lolangkoi mu eni boni. ¹⁷ Ɗaha bo yono yagyanano, 'ya nem ki mamayei a marshe ka billeyon anandi.mu tamanku. ¹⁸ Shei a marshe mamaye yoi lei tamiya ishenku eni kasu, kaison anshenkuk yele an gyhak shoho langu Kristi. ¹⁹ Bo ernosu laktu. kikaNdeyi shei yak hawo, ke namakos, yak kawa, zuni difna ka ei tong dunya. ²⁰ Me sheiki biamu tong ɓaɓa, a wondim gesa a wangu, abanonmu Yeso Kiristi. ²¹ A wanlantitik zugoniy yo nama ka. Yo 'yankosi tong na'akoi gyedok shaf ki lumiya so kanni.