¹ Na an yak ona geɗo a tong Kiristi, na andi yak jikyayi ki tong ndaltu. na andi gomta ka tong Kelui bu'uno. na andi jikyayi tinki marai. ² Ngu ngamte kuyuno kika ngu deyi ki dibna arei woi, ngu ɗeyi ki ndaltu moɗi ngu gomte ka tong kelui bu'uno moɗi, ngu deyi ki tama bo moɗi. ³ Ngu ei lei miya tong ndalta ka ko nakkok katku bu, kika ka,a a tong tili zina lei ngoi yiya moi maddi wallani. ⁴ Lei ngoi yiya moi damtonni bu, me a kule ki damtok maddi. ⁵ Ya dibna tong bille yo tong Kiristi Yeso. ⁶ Yo iko ino tong suba Ndeyi, mata kanni kit Ndeyi ei yo si ngaha bu. ⁷ Ki bei ka,a mata kanni bo 'ya bu. namko suba baya. tamko tong suba biya. bolanko si tamko kit ngo. ⁸ Gendikkok kanni, iko ɗabshi har ki mato, mato so lunku. ⁹ Kika ka,a Ndeyi oni tik nakkok nama ka, oni sun yo wallikkok lei arei sun yiya. ¹⁰ A tong sun Yeso, lei arei burui yiya a joma, buru ei yo ɓaɓa ki dunya ki yo elelik dunya. ¹¹ Lei linsoi yiya a ana ta Yeso Kiristi bomu abano ne yo namaka Ndeyi Boti. ¹² Kika woi biyano,kit yo ɗe. kauso ne wonlei tamiya ngu ɗabshe ne kika lei ne wonɗe bu, ya ruta walta nguni ki zuba ki ngeteshik bo geba. ¹³ Ndeyi ne ruta hawokku, ya gomta ka ki ruta ei yo gomniti. ¹⁴ 'Ya lei miya andi haɗa zori ki habta hankal bu. ¹⁵ Ngu deiyi na hubli bu me ana jire. milla Ndeyi andi uhe bu. ya ka,a kika ɗo ngu talke kit talku a tong dunya, a tintil bunji yo lalatansu. ¹⁶ Ngaha eni zau ki geɗo ne ye bille nama ka Kiristi a hotonni, ne mantiti ta ne iko kakiyano sarei bu. me ken iko bonek sarei bu. ¹⁷ Lei a zuzte ne,e kit saɗka aka ruta ona geɗekku, ne iko kugu, me ne iko kuyu ki nguni shafku. ¹⁸ Kit ka,a nguni ke ngu e kuyu, ngu e kuyu ki ne,e. ¹⁹ Ne da ɗon sarnekku Timoti a ganku ki naso bu, neke ne ye geɗok zugo nz ne manotik ei yoi ngu ishe. ²⁰ An ngoi yo halimu gomimni moɗi bu, yo a jikyayikku ki jire. ²¹ sauwek kasu so Yeso Kiristi bu. ²² Ngu mankotik darjan ni kit yo ruta a le,ya si ka,a bautenoti tong eni Ndeyi. ²³ Si yon zobshe tili ne sarnekku ki naso bu nan moiko lamar se a ishe. ²⁴ Ne an geɗok bo geba a tong sun bomu ta ne,e guda kanno ne isno ki naso bu. ²⁵ Me ne dibna iko zina ne sarikku Abafaroditus si yaganano zabno a ruta ki zabno a kesi, ki a sarnikku ki baya kika dalano. ²⁶ Tinda si a dulam ku shafku, damtinni yam kika ngu kolanko iko yaklu lahiya. ²⁷ Ki jire iko yaklu lahiya har iko nem ki mato, me Ndeyi kolko jikyayinni si moɗa bi bu me ki ne,e karne yabte hawo ka yabta hawo. ²⁸ Kika ne iko niya ne sarneku si na ngu sakanko moya si ngu ina kuyu ne me ne walle ki tong jikyayi. ²⁹ Biska Asafaroditus ki kuyu a tong bomu. moya kimak biya areine. ³⁰ Kika ruta Kiristi inni nem ki mato, onkok zauni ɗo bauteno kika ngamta ruta yo nguni ngumo.