¹ Bulus ki Timoti, ngaru bomu Kiristi Yeso, shaf ki yo zansu ara tong bomu Kiristi Yeso yo a Filibi, ki ana kulani ki ana ruta Koknaku. ² Ɗeinok lahiya ɗeyik nguni ki ga Ndeyi Bomu a Bano Yeso Kiristi. ³ Ne kuna Ndeyino jajim yo nan dibko nguni. ⁴ Lei tamiya tong ɗonshuno ki katku ki hetre hawone ɗongshu. ⁵ Ne kunani kika ɗeinono ki nguni tong eni Ndeyi ki hotok tono har kaiso. ⁶ Ne onkok jire aka ei woi e, na ngoi zalko ruta ki jina a dalaku a tina dom kisi kaba bo ernok dishe Yeso Kiristi. ⁷ Gommini ne kol ka'a katku kika ngu tong ilino. shafku ngu ana ɗeinono a tong lahiyak Ndeyi bei ngara ne'e kika kassha eni Ndeyi ki tabbata eni Ndeyi ⁸ Kika Ndeyi tamkok ne'e, aka ne andi daita nguni shafku tong gerak daltu Kiristi Yeso. ⁹ ne ishe ɗonshu woi e, daltuku sauwe dom-dom a tong mantu ki ganu. ¹⁰ Ne ƒɗonshu aka ka'a kika habte nguni zabe ei yo hatasu. ne ishe ɗonshu kika ngu ɗeyi ana hankali andi yak hubli gemang kubu a tong hotik Kiristi. ¹¹ Woi me ɗo ngamte nguni ki milla jire yo a yeshe ki ga Yeso Kiristi, a tong namya ki kunna Ndeyi. ¹² Kaiso ne dalo ngu mante, she eno, taka'a ei hala ki ne'e ndeyini tina dom ki eni Ndeyi sosai ki jire. ¹³ Hala ka'a yaklano tong Kiristi ɗeyansu mantu a ga na kesi ana ɗeino bo dubnok ma'i ki kine biya. ¹⁴ yagana tong bomu a bano onanko geɗo yam kia yakluano zuni hatano hili 'yanko eni Ndeyi an zuba bu. ¹⁵ Maɗɗik eni Kiristi tong dala tili ki shana, maɗɗi me kika zinak tama. ¹⁶ Ana eni kristi kika daltu manankoti ta zan ko ne'e wonɗe ɗo ne gas eni Ndeyi ¹⁷ Moɗi me a anshe eni kristi kika dala ka ki yaklu jire, a dibnau a onshe no bone tong yakluno. ¹⁸ Kaba miya? kika lei billei yiya ko ki ine koki jire eni Kiristi a ishe, ne kuyu kika a ka'a ne ina kuyu. ¹⁹ Kika ne manoti woi a mokitik sanadik walta ne'e. woi a hele kika ɗonshunku ki hafta har ngauɗo Kelui Yeso Kiristi. ²⁰ Aka ei ne tabbikko ne yena ki tabbacinka'a shaf ki geɗok halino lei tamiya ki kaiso me'e ne andi ɗon moktu nama ka Kiristi tong zugono. ne dalo Kristi ye nama a tong zugono lei tong ɗeinonno lei tong mato. ²¹ A gono zau Kiristi matome zauwane. ²² Na me deiyinni deinonno tong zugo, a mokitik amfani ruta. Ne man yon zaɓa? Ne man bu. ²³ Me shafsu bolo a olla hankalno. Ne an dibna ne wustik wonde ne deyi ki Kiristi, woi walle noti, ²⁴ shaf ki ka 'a deinonno tong zugo dolene ki katku. ²⁵ Ne andi geɗo aka woi ei, ne manoti me ne watik zau ne to dom ki nguni shafku kika tina domku ki kuyunku,tong ona jire. ²⁶ Billa ka'a takokku tong Kiristi Yeso a tina dom kika meshe no gamku. ²⁷ Ngu to dom ki ei ngu ishe kit yo gommini ki eni ngu Kiristi, yo ka'a kika nan dino ne moi ngu ni, lei ne wonɗe bu ne kol irnokku tong bu'unone koli ta ki tama moɗi ngu seshe bone zuk zehe kika ona geɗokku so eni Ndeyi. ²⁸ Ngu kol zubak ana kuɗa nguni a ka ei yo gosu ishe bu. tamiya kasu yo duga zuni. ngu ni me tamya yo walta nguni, woi me ki gam Ndeyi. ²⁹ Yankutik zina kika Kiristi, ona jire ka Kiristi moɗi bi bu har ki sena bonenni. ³⁰ Ngu andi sena bone arai so no kit yon moyanko,yong kolangko ne seshe kaiso.