¹ Kika ka'a, yagyenakui yo ndalo tin ki kalou, kuyuno ki nama kanno, billa woi erini tong abanonmu, sha'eno yon ndalo. ² Ne ɗonsha Afodiya, ne ɗonsha Sintiki, ngu dutuk eni moɗi tong sun bomu abano. ³ An difuabu, nen sawandi ɗonsha nguni, ana ɗeinonno 'yautakanno yo jire: shuta monde mamaye'e. Kika mu 'yanko bonek zuni wa'azu ki Kilimas ki sha'eno ana ruta, sunsu tureno tong Lalauna Zau. ⁴ 'Ya kuyu tong sun bomu abano leito miya, ne sawandi anshe ta, 'ya kuyu. ⁵ Eri algi shaf moi habritku. Bomu abano ini nem. ⁶ Kadang damtek lei shida miyabu, ki bo ka'a, lei miya ɗonsha Ndeyi ke ɗo, ɗonshu, ki kunna Ndeyi eri ɗo ɗonshuku halannik Ndeyi. ⁷ Ɗeinok lahiya Ndeyi so wallikko shida mantukku a ɗeyi tintiku shaf ki dibnatku tong Kiristi Yeso. ⁸ Yo tata kanni, biyano, shaf ke nayo jire,shaf ei manatkok ona na'ako, shaf ei na an ei zina,shaf ei na an bukɗo bu,shaf ki ei na biske no shaf ki eiyo a mokshe ndaltu, shaf ei na a mokshe eniy zina na an nama kai a dibna ei mamaye'e. ⁹ Ei mamaye yo ngu mokano, ngu biskanko ngu kolanko, ngu moyanko ei mamaye. Ndeyi a ɗeinok lahiya ɗeyik nguni. ¹⁰ Nen iko kuyu yam tong bomu abano kauso ki tata kanni ngu matankok hagkali kanno. Ngu damtakuk ne'e yo jire, sommoɗi bei meng wagko biila zosheno sara bu. ¹¹ Kika nen nda anshenku woi bu. Kika ne habrinno ki lei shida ei miya. ¹² Me ne mantitik ɗeinos so ɗeya tong ei nen andi. A billei yiya a tong lei shida tishis shei son ina ki shida ɗeino kizi sog ina, ki shida ɗeino tong eini andi kit ɗeino so tong ndaltui ye. ¹³ Nen gitik ina lei e miya ki gyemani si yo onsheno ygeɗo. ¹⁴ Shaf ki ka'a, mgu 'yako zomuk ne'e tong damtono. ¹⁵ Nguni men managkoti ngu Filibiyaku, so wa'azu tong sommɗi yo wusano Makidoniya, an ban ɗonshu yo zofno sara bu shate ne'e tong noshi ngu biska kika nguni moɗaku. ¹⁶ Lei a sommoɗi yong Tassoloniya, ngu saranotik bo yoku ka ei nen ndalo wallak ka bolo. ¹⁷ Kika nen gaza onomm bu. mek bo ka'a bu, Men gaza bilai sauwa nguni rutak si tong za'inku. ¹⁸ Ne biska ri mamaye, ne an si tim kawantino. Ne biskak sarak Abafiroditus 'ya shei ki gyemanku. Dauhi zei ki 'yak damɓoi zei yo biskenol asdka yga Ndeyi ¹⁹ Ndeyi tureku shafki ei ngu ndalanko a tong ei si andi tong nama kanni tong kristi Yeso. ²⁰ Kauso eri nama ka ɗeyi tong gya Ndeyi ki bomu an bo ernoto bu. Amina. ²¹ Lakɗi leilo a dishe tong kristi Yesu shaf ki biyamui yo ɗeinok ne'e lakɗa nguni. ²² Ana ɗafshi wonɗe shaf a lakɗa nguni, ki mamaye yo tong ban Kaisar. ²³ Eri ɗeinok zinak Bomu abano Yeso Kiristi ɗeyik kelunku.