¹ Yo yena ka, kristi hoɗimu hesiɗe. kika, ka a kadam wusi zof muni tong renok daɗok ngarakubu. ² Moyai, ne e Bulus, ne anshengku ta na ngu wusanko katku iku ɓatoi, ngu wena bo hawotkuk gem Yeso bu. ³ Jo ta, ne anshek leilo yo 'yani ɓatoi ongkok kanni ɗaha ei 'yangko uhe kanni. ⁴ Ngu tikeok iristi, shfku nguni yo a "iku" sherya ka uhe. Ngu ngatangku be'i wena tili moɗik Ndeyi. ⁵ Ki gya kelu, ki ona jire, mu geshe rutanta 'ei zina. ⁶ A tong Kiristi ki ɓato ki wara ɓato shaf moɗi. Kaba dei ona jire ki rutak be'i ndaltu. ⁷ Ngu ishe 'ei zina. Erta ngunik ana jirei lo? ⁸ Woi hetenok gem woi yo wunda nguniy bu. ⁹ Yisti lasihm menentik woka hafti so hultantu. ¹⁰ Ne an geɗok tili katku tong Boti tang ina diɓnak ɗaha billei yo'oto bu. Ngoina tubai ngu ngaha leihinni bu, lei si lo. ¹¹ Yagenaku, na ne anshe eni ɓatoi, kika miya ngu maita ne'e ye? A tong woi goshos ergo dom sho longkui a laktiti. ¹² Ka ne ndalo mamayei a youta nguniy a ɓaɓte kasu. ¹³ Kika Ndeyi wundingku, yagenaku, ki tong maito. Ngu mate hetek tong maitos a ɗeyito 'yak ruta zugo bu. Kika woi 'ya rutak zehe ki be'i ndaltu. ¹⁴ Kika eni uhei ngaminni; tong "Ko ndalta zafko kit 'yak katko." ¹⁵ Me na akta zehe keng ku'ushe leiloi, moyai ngu yaɓte zehe bu. ¹⁶ Nen anshengku, 'ya marshe tong kelu, ke ngu ɗaf bo yo zugo bu. ¹⁷ Zugoi a gyahak kelu, kelu ke a gyahak zugo. Mamayei a gyahak zehe. Ei nawonniy ngu 'e 'ei ngu ndalangkong 'e bu. ¹⁸ Kelu me na a marshek nguniy, ngu ɗeino her uhe bu. ¹⁹ Kauso ruta zugoi a hili. Nzuniy aza, bugɗo zugo, disak moino, ²⁰ ɗaha ei Ndeyi nda bu, dolma, ana ina 'yak zuba, bolok tili, yaɓtenok tili, kuraro, titikenok ka, ²¹ zoɗkom, seshis disa, hafta be'i ki sha ei mayei. Ne ellangku kumo, kit shida yon iku tono, ta biyai a ishe shida karei woi a wena ban Ndeyi bu. ²² Me ei kelu onshei, ndaltu, htrek tili, deinok lahiy, habri, jig-yayi, ina ei zina, ona jire, ²³ gendanta ka, ngaha ka. An uhe ka maye bu. ²⁴ Mayei a ɗeinok Kiristi Yeso longkangkok ɗeinok zunhu ki zinanni ki ndaltuni. Namu ɗeinok kelui, era kem e marshe tong klelu. ²⁶ Kada mu e hali bu, mu hare zehe bu, kada mu e hoɗak tili ka zehe bu.