¹ Yagananmu, na ngoi ngahako si zunhu ko yok buno, ko matno tong bunok tili algi kada ko damtek katkobu ki kada a kamte ko bu. ² Nama daɗok zehe be moɗi ki ka ngu ngamtitik sharyak Yeso. ³ Na ngoi nemko kani e mato me si ya' bu a murta kanni . ⁴ Lei ngoi yiya a moi kanni ki rutani kaba e dala kani me yo ngo moɗi bu. ⁵ Leilo nama ulai kanni. ⁶ Ngoi shutani eni a tikka e zina lei ngoiyiya shuteni. ⁷ Kada ko murte kakko bu Ndeyi ya'k goyo bu shaf e yo ngo kabko si ela hawoni. ⁸ Na me kabko shida a tong zunhunni kaɗin ni ki tong zunhuni a daha ɓana na me ngoi kabko shida kulei buno ki tong kelui buno gonni daha zau so kelui buno. ⁹ Kada mu damte ka ruta zina bu mu gommu daha zunko hoti mato na mu ona ko kan mu bu. ¹⁰ Kit yo anan wakek, eri mu e zina ki algi ki mamaye yo ban jire. ¹¹ Moi 'ya tureshi nako son tureku ki seran no. ¹² Mamaye dalanko e 'yo zina anan geɗo tong zugo dalank ella nguni ngu e ɓato. a ishe woi kibo kuɗa zuro tong Yeso. ¹³ Lei mamaye ɓato ma zuni guda kasu a ɗafshe sharya, me dalanko nguni ke e ɓato ki ka zuni dalanko ɗeyi ka lunku. ¹⁴ Me ne ina bo bu sei ki Yeso masihu lah Ndeyi ki tong si dunya wanko duga si ki ka neman dunya se. ¹⁵ Ki ngoi ɓatno ki ngoi ɓatno shaf bo ya' bu me yo mashe hohok sali. ¹⁶ Ɗeinok lahiya ki kola ka a deyi gemku nguni yok dafshe billawo'e ma Isra'ila yo Ndeyi. ¹⁷ Ki ka kute'e kada yoto damte ne'e bu ki bon namko lei miya zugono yo suba Yeso. ¹⁸ Eri tili moɗi yo Nabbi Yeso deyi nguni tong kelui buno yagananmu, Amina.