¹ A eni ka'a Ngaha bei name lalamba wahla bawa bu lei ma an ngaha lei miya. ² A saraka anin le'ini ɗo ana moluni kaba matok bobi. ³ Dom milla, ma tong bonek dunya mu ishe. ⁴ Jo marshe dino ngamito ko, Ndeyi sarko Lah ni, le'enko ki gem mandu, le'ya'nko si elelik sharya. ⁵ Iko ka'a ki bo wange mamaye ki tong sharya, ki bo biska milla Ndeyi. ⁶ Ki bo millah Ndeyi sarko kelu, buno yo la ni a tong tili mu. jo esha muni ta baba bimu. ⁷ Kauso bolo ngu bayi bu amma lah na mek lah shaf ngu gedanko Ndeyi. ⁸ Ka onzi ngu manako Ndeyi ngu namshe ka goro, yo onshenku ya'bu. ⁹ Me ngu danong mantanko Ndeyi kauso Ndeyi manogku a ena lolo ngu sake meshe ka eyo gutteno yo dokgeku dallanku bu? ¹⁰ Ngu moyanko baɗi ki hoyok tera ki sani. ¹¹ Ne zubatku moishe ruta nok nguni eko ya'bu ¹² Ne ɗonsha nguni yagananno ngu ɗeyi kit nguni ngu ya'noti e disa bu. ¹³ Me ngu mananko ki ka moi nok lah yakku ne eku eni Ndeyi a yo bo tono. ¹⁴ Le ka mure lahiyano ngekutik di'ya zugo shaf ki ka'a ngu tamano yaklu zinik ku bu.ɗo jijok bono bu ka bama ngu sauko lafsheno kit ne taktaka Ndeyi nama Yeso guda kanni. ¹⁵ Ta zei song kollako ne'e? Ki ka ne taminku harma ngu hotik ela idanku ngu ono ti. ¹⁶ wato ne ɗeyin no a kuɗadenku? ka ne anku jire? ¹⁷ A unuk hawo katku ki ka a wallinku me zina bu, dallanko rokinku gera ngu e unuk hawok zuni. ¹⁸ Ne andi zinak marshe me jo e zina lei tamiya ngu e kaba-kaba ngo lalei si ne gengaku nguni moɗaku bu. ¹⁹ Milla mimi'i har kauso ne tong bonek gorsinakku, kaba Yeso tam subani tong tilinku. ²⁰ Kana ana ta ne an ngu kauso ne sake ɗolyanno ki ka ne damtino ka lamarku. ²¹ A nano ba nguyok dalako sharya e menek nguni, ngu kolshe sharya bu ɗo? ²² Ta tureno ta Ibrahim an milla bolo moɗik ki gem baya lah mandu, moɗi me ki gem mandu so baya bu. ²³ Me yo le'ya'nko si gem baya lah mandu se ki tong dom ki luh, me yo le'ya'nko si ki gem lah mandu so baya bu se ki tong nama wa'adi. ²⁴ Idoi shaf tama eni wato monde mamaye boloi aka ya'modi so'tos shida ki ka goshok sinai moishe lei'ko milla bayaku. tene Hajaratu. ²⁵ kauso Hajaratu tamko goshok sinai a tong Arabia ki ta tamko urshelima so kauso tk millanto bayaku. ²⁶ Me urshelima tene diri jo baya bu ki ka te nomu. ²⁷ ki bo tureno, i' hetrek hawo shiyos le'enko bu nem lula shiyo gorsina ki ka yakteno wallak on gorzo timki millah. ²⁸ Me nguni yagananmu, kit Ishaku millah nama wa'adi. ²⁹ A onzi ngoi le'ya'nko tong zugo ki luh a maita mamaye le'ya'nko zuni tong kelu buno, me kauso moɗi. ³⁰ Me eni Ndeyi anko ta roktik baya lah mandu so baya bu. ³¹ Kika a yagananmu munin millah lah mandus baya bu.