¹ Na Ndeyi haftinko ki Kristi, kola 'yaima ɓaɓa, beiso Kiristi a ɗeino a saras tina ki Ndeyi. ² Dib ei ma ɓaɓa, wara ei dunya. ³ Aka matonku, zauku ke bunkeno gem Kiristi tong Ndeyi. ⁴ Na Kiristi tamko kanni, yo sine zauku ngu ni ke ngu hetenku a tongko nana kanni. ⁵ Dugatik, tili ndalta ei maye'e kit mi aza, bukɗo, disak ndaltu, disak zoha tili, ki ndulam yo sine haɗa goro. ⁶ Kibo ei mamaye'e ndishik Ndeyi a dishe ka ana dorok ona ka. ⁷ A tong ei mamaye ngu 'yako marshe hawoto ke ngu ɗeyanko hawoto. ⁸ A kauso dole ngu hete ki tongko ei disa maye'e kit mi hurki tili, ei disa, hubli, eniy disa ki bongku. ⁹ Kada ngu 'e ngadar ki zehe bu, ki bo ngu shaftanko jeroi'e ki rutani. ¹⁰ Ngu zohangko ngo yo 'yanko si tong manti a tong suba ei inosi. ¹¹ A wonɗi be'is so andi tako a girka yahudaku ma ɓatno ko me ko ɓatno bu, bare, banubaku, Basikitiye, baya ko wanggeno, Kiristi sine shaf miyake, ke tongko ei miya ke. ¹² A ɗeinok ngumi yo Ndeyi zaɓa nguni ma bu'uno ki ndaltu ngu ɗeyi ana tili moɗi, ngahaka ki habri. ¹³ 'Ya habri ki zehe, 'ya tili moɗi ki zehe na yo'oto iko leihi ki zab'i a yahe si kit yo bomu abano yaheko. ¹⁴ 'Ya yo dom ki maye'e sine ngu ɗeyi ki ndaltu yo tene ngamtu a hele hawoto. ¹⁵ Eri ɗeinok lahiya kristi a tutik geɗo tilinku ki bo ɗeino lahiya wones wunda no nguni a tong zugo moɗi 'ya kunani. ¹⁶ Ke eni kristi a ɗeyi hawot ku shei ke shaf ki manti. Shuta ki ma'ato ella kumo zehe ki zabura ki arko yo nama ka Ndeyi, kunak Ndeyi ki arko a tong tilinku. ¹⁷ Shaf ki eiyo ngu ina a tong eni lei ruta 'ya si a tong bomu abano kristi Ndeyi bomu ke lahini. ¹⁸ Monde, ɗaha gorajinku kit shida yo Ndeyi ndalo. ¹⁹ Goraji, ndalta mondeku, ngu isu eniy ɗaɗatu bu. ²⁰ Milla, ɗaha ana le'inku a tong haliy yiya ke, Tili bomu abano a ina zei. ²¹ Bobenti, ngu eiyo a yabta tili millanku bu kibo kada gebasu ngatato. ²² Baya ɗaha bobenku ana bano a tong zugo a tong lei ei miya ke, ki ruta moya idobu kityo biya ishe bo sunte tili biya. Me tongko tili nzubti bomu abano. ²³ Ei miyake na ko ishe si, iki tongko tilinko bo bomu abano kibo biya bu. ²⁴ Ko manoti ko biska onom ki geɗotko ki gem bomu abano kristi yoko ina ruta. ²⁵ Shaf ki ngoi yiya ke na iko bolok tili a biska onom ki bolok tili wara ndalta ka.