¹ Abano onik baya 'yayo idani wari ndaltaka. ngu manankoti ngu anandi abano a ɓaɓa. ² Era dap aka ɗonshu deya idanku moino aka ɗonshu ki onom kunani. ³ 'Ya ɗonshu ka zehe bo muni a Ndeyi ehemu bodumɓi ki eni ni, namu an jirek eni Kiristi. kibo ka,a ngaranko ne,e. ⁴ 'Ya ɗonshu nane an eni a hili kit yo suba ne ani. ⁵ 'Ya marshe ki asum ngu kab gema ma hena ngu 'e ruta ki somboɗi. ⁶ Eninku tamiyake a ɗeyi ki zeiki kolse kibo tamiya ngu mante matansu eni. ⁷ Aka eine hawonni, Tikitus a ankuti. si yaganamu yo ka tilimu 'yakɗenok baya, si zafmu baya a tong bomu abano. ⁸ Ne sarkosi gemanku bona ngu mante ei a hele ki muni bo sina a onku geɗok tili. ne sarko si gemanku bona si mante 'yei katku ke onku geɗok tili. ⁹ Ne sarkosi ki Oinisinus yardeno ki ngomu yomu ndalanko siyo moɗi ki hototku, a ankuti shafki 'yayo hele a wonɗe. ¹⁰ Aristarkus zabno a rono a lakɗa nguni ki Markus, yagyana Barnaba yo (a kanni ngu 'yanko esi nane ndutu ne biske si), ¹¹ ki Yeso esha si ta Yustus. Mamaye moɗasu ana ɓato ma tong ana rutamu yo bo mene Ndeyi nzuni ana suntano tilino. ¹² Abafaras a lakɗa nguni si moɗi ki hawotku ke biɗa Kiristi Yeso. Tamiyake a ishenku ɗonshu ki ona zugo aka ngu ɗeyi ngamno ki jire a tongko 'ya Ndeyi ndalo. ¹³ Ne saidini, iko ruta yam abo nguni, boma laudukiya ki Harifolos. ¹⁴ Luka a likitamu yomu ndalankosi a lakdɗa nguni. ¹⁵ Lakɗa biyamu ma Lawudikiya, ki Nimta, ki algi Ndeyi yo banoto. ¹⁶ Na karate ke tong biya Ndeyi ma Lawudikiya ngu moyi ngu karatanko so ma Lawudikiya. ¹⁷ Ana ki Arkibas a mate hankal aka ruta yo si biska a tong Bomu abano nako ngamtiti. ¹⁸ Lakɗu woi ki gemano Bulus. Diba yaklanno. Tili moɗi a ɗeyi hototku.