¹ Ne ndalo ngu mante tetega so n sa a katku, mamaye ma lawudikiya. a gem biya shei ma moyanko haskannobu. ² Ne ishe ruta bono tilinsu hinɗe ki belle gomshe be'ye moɗi a tong adalt, ki dara yo an tantamabu yo manta asir jire yo Ndeyi, wato Yeso Kristi ³ A hawannine shafki za'i yo asum ki manti bunkeno. ⁴ Ne anku woi kibo an ngoyo anku ngadar a nze hankal kubu a tong eni. ⁵ Ko tane gemangkubu a tong zugobu, mene gemangku tong kelui ne kolshe zei name moishe nguni a tongko ona jiretku a tong Kiristi zinak ɗeinot ku ki geɗok ana jiretku a tong Kiristi. ⁶ Kit yo ngu biskangko Kiristi bomu a bano, 'ya marshetku hawonni. ⁷ Ngaha si kankang, 'ya sali kanni; aya kanni, kit yo shutangku, ɗeya tong onm ki kunani. ⁸ Kada ngu ngaf nguni ki bo mantinibu a tong manta ahdak biya Kiristi ⁹ A gemanine eiyiyake yo Ndeyi ndalo a ngamshenni a hali. ¹⁰ Ngu ngaamno a hawonni, sine ka ma'i ki meneiyiyake. ¹¹ A hawonni shafku 'yangkutik ɓato ki ɓato so ishe tei ngobu yo ɓashe dishek zugo, me a tong ɓato so Kiristi. ¹² Malanki si a tong baftisma, ki a hawonni haftangko ngini ɓaɓa ki bille on jire ki geɗok Ndeyi, yo haftangkosi ki tong ana mato. ¹³ Jo ngu matno a tong zunhutku a tong yaklu ɓatokku yo zugo siddunku ki si ke yahe kutik zunhutku. ¹⁴ Bu'ukok shafki guda tureno ki uhe yo ngaha ki muni. tubitko shafni ago taɗini zƒug shoho longku ¹⁵ Shaftik kok geɗok mene a hili halastinsu nzansuko a beini kaabgo gem bikik tina dara barkak shoho longkuni. ¹⁶ kada ngo iko sherya aka tishi ko seshibu ko hoyok tere ko aka baɗis ka ladi. ¹⁷ Maimaye kelu,yei isano 'yayo jire me Kiristi. ¹⁸ Kada ngona nda mato kanni bei ki bile ɗonsha malekaku a iku sheryabu kibo kda ngu dortik tuhe shitku. shida ngoi woi a rishe tongko 'yei a moishe a ɗeyinni bok haftaka a tong moinoni. ¹⁹ Gomteno ki kasbu. ki zuk kas'i shafki zugo, ki bo tuɓa, ki zana a amfani ke gafteno zug zehe, a aye ki aye so Ndeyi onshe. ²⁰ Na ngu matangko ki Kristi ka lamar ki dunya, aka miya ngu ɗeino kit ngu elelik dunya: ²¹ "Kada ngu ngahibu ko damɓe ka lingsoku ko ngu shibu?'' ²² Sahfki 'yei maye'e, bo ernosu yabtu na a rutak nzuni aka uhe biya. ²³ Uhe mamaye'e andi asum yo ngo shida yo ngo ho'ono yo mataka ki bei ki ona bone ki zugo. kesi sauwa 'yabu a tong 'ei zugo ndalo.