¹ mantik woi'e a tong sommoɗi yo bei sommoɗi yam. ² Biya a ɗeya an dala kasu, ana dala oyu, ana nakok tili, ana hafta kasu, yabta sun, ana mure kola na leisu bu ana mure kunani ki ana mure tili moɗi. ³ Zuni ɗeyi su ana gyeɗoka zuni yo danko ɗeinok zibiu ki kolo, a ngelɗi, ana mure ngahaka ana rikshi, ana kuɗa jire (ei zina.) ⁴ Zuni ɗeya ana anango geɗok ka, ta'ama dalngko ei zei aka dalangta Ndeyi. ⁵ A ɗeyak suba ana zubak Ndeyi me zuni shatangko geɗoto. waglekok gema shida biya woi'e. ⁶ Kika maɗinsu goraji yo rishi tong bano a youta mondei ana wayo bu. monde maye ngamansuk zunhu, ke wussankok billa kika shawoyi sutim. ⁷ Shida monde maye a shuta me zuni manta 'ya yo jiresubu. ⁸ Kit yo yanisu ki yanrisu 'yako shana ki Musa. ke ka'a malumce ana rerei erangko gaha ki jire. zuni goraji yo yaftan tong til, yarda kok zuni bu a ka jire. ⁹ Me zuni go gera bu kika yaknansu a tamtik ka to a hili gem shaf ki algi kit shida goraji mamayr'e. ¹⁰ Me koi ko daf kok shutanta no ki halino niyanno ki onajiren, somoɗi tim so se bonino, dalatuno ki habrinno. ¹¹ Maito, senabone ki eyo halak ne'e a Antakiya ki Ikoniya ke ki listra. ne hafrak maito shaf ki hawosu bomu a bano wanga ne'e. ¹² Shaf ki biya yo dalangko ɗeyi kit shida yo Ndeyi a tong Kristi Yeso me a mata zuni. ¹³ Biya ana rutanta disa a sauwa ruta disa su. zuni a boe titik biya. zuni guda ke bo'yansu. ¹⁴ Me koi tuduni ki eyok shuta kek onakok jire ki tili moɗi me ko mantiti ki ngo yok ko shuta. ¹⁵ Ko manoti ta tig ki lalamatko ko manotik lalaung sso bukno. mamaye gitik matanko a asum kika wangu ki gem ona jire hak Kristi Yeso. ¹⁶ Shaf ki eni Ndeyi buinok gem Ndeyi an rutani kika shutanta kika 'yiolla kumo ki ramu ki ngashensu a tong tili moɗi. ¹⁷ Woi ka'a kika ɗo ngo yo Ndeyi ɗeyi ngamno, sheryanno aka shaf ki rutai zina.