² Eiyok kolkok gemano a hak biya tim, ana saida, onik biya ana jire yo gitik an shutak madi. ³ Sa bone ki ne,e kit a kesi zina yo kristi Yeso. ⁴ Andi a kesi yo zha kani a tong karai dunya bu kika si da sunta tili a nakoni. ⁵ Ke ka,a na ngoi yo a so tina ollo a oni rawani bu kaba na si ɗabko uhe goyou se,e. ⁶ Suba a bonek mara si biske roboni ki botono. ⁷ Nzuni aka eyon anshe, kika bomu a onko manti a tong leileimiya. ⁸ Diɓai Yeso Kristi, ki tong zuryak Dauda, si yo haftakok tong biya yo matansu, woi me aka eni no yo somok zei, ⁹ Son sheshe bone har mokino ngarya kit ne a leihi. me eni Ndeyi ngarno bu. ¹⁰ Kika ka,a ne daurit kok shaf ki 'ya ki bo biya yo zaɓeno. kika ta nzuni we wangu yo hak kristi Yeso, ki namta ka so an bo ernoto bu. ¹¹ Eni woi yardeno namu matako ki si, me kem deyak si. ¹² Namu dauran mu, mu ina menek si nanu shantani, si ke a shanti mu. ¹³ Namu anan jire bu, sime kullum a jire, sime shanta kani bu. ¹⁴ Tu dom ki zuminsu 'yawoi'e nzi kumansu a dom Ndeyi nzuni eshana ka eni woi bu. kika woi an amfani bu. kika woi me woi a boititi ana kolshe. ¹⁵ I shaf ki eyo ko on katkok Ndeyi kit ngoiyo yardini, an dalilik kawa gema mani si yo shutata eni jire ¹⁶ Tikik ana ena eni disa kika woi a mokshenti ka kuda Ndeyi. ¹⁷ Eni su a lakta kit gollai riya. a hotonsu me andi Himinayus ki filitus. ¹⁸ Biya maye me tabansuk ka jire. nzuni anshe ta haftak biya ki tong bure nzuni waglako jirek madi. ¹⁹ Shafki ka,a turbak Ndeyi erito (tabatitoko) Andi tureshi wonses'e Bomu abano manotik biyani ko ngoi yiya wunda sun Bomu abano dole si wus eiyo mure jire. ²⁰ A ban a dara an karai zinzriya ki danar moɗin su bu. me ke andi shoho ki yendi. madinsu yo nama ka madinsu me yo namaka bu. ²¹ Na ngo yo bukok kanni ki karai yo ruta nama ka bu, si mani karai ruta yo namaka a zani gyenga a ɗeyini karai rutak bobi abano. ki ke ramtani aka rutai zina ²² Tikat ki eyo tili bunji dolo. ɗaf tili moɗi, jire, dolinka ki heterek tili ki biya yo wunda Bomu abano ki tong tiliy buno. ²³ Me kuti yakna ki mure manti. ko manoti nzuni leishe gerdama. ²⁴ Bida Bomu abano a e jijok shana bu me gendente kanni kika woie si e hakali a gem biya shaf ngo yo gitik shutantu ki habri. ²⁵ Dole ne si shutante biya yo shanak si a tong sunta ka. Bei Ndeyi onsu tuba so manta jire. ²⁶ Nzuni metu tong hankalisu a wus billa ɗoka yo sinkau, ki bei yo si ngahinsu aka ei si dalo.