¹ Mu ndalnko ngu mante, biyano, aka tili moɗi yo Ndeyi onko ki ban Ndeyi yo Macedomiya. ² Asombodi bone so kabti, ndadok ku yu ki yaklunsu mokinsutik dara tili modi. ³ Ne onkok jire onankok jajum geɗosu, kƒi tili modi har onankok 'yai wallitkok 'yai ka nzuni ka a onai ⁴ donshanko na a zob nzuni tonko ana suha ki ana ona jire . ⁵ Woi hala kit yomu sammanta kobu. Bo ka'a yo tono onanko kasu ki bono abano. Onanmu kasu ki ndalti Ndeyi. ⁶ Kke mu ɗonshanko Titus, ngoyo zalkok ruta woyye'e,na a takatik ruta yo tilimoɗi yohangalko. ⁷ Me ngu kawanku a tanko 'yei miyake, a tonko ona jire,ki eni,ki manti, ki nginhu ki ndaltimu a ge anku. Era sauwe a tong ruta tilimodi. ⁸ Ne anshenku me uhebu, bokabta jirek ndaltinku ki bille kabta ndalti biyay ma'ato. ⁹ Aka ngu manankoti, tilimoɗi yo bomu abano Yeso kiristi. Kota si an dara, bo nguni si inni mure, kika ki bille mureni ko ititko bok dara. ¹⁰ A tong 'yai woiye ne onku shawari so sauwa nguni ki bei sani modi, ko zalko ina iyabu, me ke ko ndalotik ice. ¹¹ Kauso takati kityo ngu anandi ndulam ki ndalta iceni. Moya aka ngu gomtanko, bo ernok gedotku. ¹² Na ngu ndulam ki ina 'yei zina woiye'e ke biskeno. A inasi aka iyayo saratko baya aka andibutkobu. ¹³ Ruta woiye'e bona maddi we huti ngunime urteku ndadobu. Bo ka'a dole a ɗeyi wari tina hakki. ¹⁴ 'Yei ngu anandi kauso a manotik 'yei nzuni ndalanko. Hotike, 'yei nzuni anandi ke manatik 'yei ngu ndalanko , bo erta jire. ¹⁵ Kityo tureno "Ngoyo andi shei ke andi 'yei kina ki bonibu, ngoyoke andi shim ke kasa sibu." ¹⁶ Nddeyi 'yak kunani, yo zobko tonko tilino ki Titus tili hankalta ngunni. ¹⁷ Aka biska ɗonshumu moɗabibu, meke a hankalta si ndino a bo tilini. ¹⁸ Mu gomtanko si ki ngoyo kunneno a chapki bi Ndeyi ki wa'azu bishara. ¹⁹ Woi moɗabibu, chapki ban Ndeyi hoɗanosi na a iye marshe ki muni a tong ruta yo tili modi woiye'e. Woibo nantaka bomu abano ki kanni, ke kibo ndalta ruta chatu. ²⁰ Mu gomtanko si ki ngoyo kunneno a 'ye beleki muni aka rutamu woiyo tili moɗiye. ²¹ Mu mata hankal namu 'ye 'yayo namka, a dom bomu abano moɗabibu chapki dom biya. ²² Gommu sarshensu ngomui yo'oto jo. Mu kabtani kachei, ke mu moyako nda ruta yoyiyake. Kauso ma gadatkok to miyake a ona jire katku . ²³ Ngo kit Titus me si ngono ke bok rutano bo nguni. Biyano maye me sarano nzunima ban Ndeyi. Ɗeyansu 'yak namta ka Kiristi. ²⁴ Tamasu ndaltinku, ke tamaki maban Ndeyi yanka somu ice akatku.