¹ Ana ndaltimu, tinda mu anondi erta eni woi a hotommu, buɗamuntiki Kammu ki tong eimiyake yo mokimmutik bukɗo a zugomu ki tonko tilimu. Dahamu bu'unok tli a tong nzubak Ndeyi. ² Ramtemu be'i! Mu yabtanko tili mgobu, mu shushanko ngobu, Kemu rennanko ngobu. ³ Ne anko Ka'a boname dab Kisotkubu aka tinki Kalou ne ankuti ngu Ka tilimu mu matuk Zehe mu ɗeyi Ki Zehe. ⁴ Ne an tantamaki ngunibu, ne yanka Ki nguni. Tilino suninni. Tilino inni hetre chapki bone somu hawato ⁵ Domu ndamo Macedonia, mu wanko hutibu. Kibo Ka'a damtamu Ki rikci a hena Ki nzuba a bam tilimu. ⁶ Me Neyi bok samɗantu tili kasa. Samɗantu tilimu ki ndiche Titus. ⁷ Ndeyi Samɗantemu tiliu Kibo ndishe Titus moɗabibu me Kibo samɗanta tili yo Titus wa ki gemanku. Amu ndaɗok ndaltunku, jigyayitku Ki damtotku bonele. Kene Sauwa Kola hetrek tili. ⁸ Kota Zohutureshinno Zobkuti unuk tioi, me Kene mabkobu. Ne mabako ɗone moiko Tureshu Zohinku unuk tlli. tilinku iki unu yo nasi shim. ⁹ Kauso ne tong hetrek hawp, Kibo ngu tong unuk tilibu, Kibo unuk tilinku mokinku tubaka zunuhutku. Ngu damɓankok jigyayik Ndeyi. ke ngu 'yanko bonek Sarei bomunibu ¹⁰ Aka jigyayiki Ndeyi a mokshe ngamtenok tuba so wena wangu wari mesh bako. Unuk tili yo Ka 'yak dunya a mokshe ntik mato. ¹¹ Ta, moya na'akok jgyayik Ndeyi yo zobku a tilinku. ta ndadok niyatku yo tama ngu anam Leihibu. Ta ndaɗok zumecitku, nzubatku, 'yei ngu ndalanko, niyatku ki 'yei ngu Zohankodon na'e jire. A tong eimiyake ngu tamako ngu anandi Lehibu. ¹² Kota ne tureku, ne tureku bo ana Leihibu Ke bo buyayo Shushnko nzunibu. Ne tureku aka jiretku Ki erta eningku a ɗeyi manteno ga Ndeyi. ¹³ Aka Ka'a mu wankok gedok tili Sauwi aka Kola Zeimu, mu wankok sauwi Kola hetrek tili boyo Titus Kibo Tilini suninni bo nguni Chapku. ¹⁴ Na̵n ini yanka a Katku ne iko Kawabu. Kibo 'yeiyomu ananku yoyiyak jire, yankkammu a Katkuk Titus hatanni jire. ¹⁵ Ndaltinku gemani me ndaɗos Kityosina dibko banakatku Chapku. Kityo ngu biskanko si ki nzuba ki didekzuo. ¹⁶ Hawonino iko hetre Kibo ne yardinno ki nguni.