¹ Zohangko ne'e ne hafte kanno, me an ei ne wenabu. menne tina dom ki moishe ko hat sun yo bomu abano. ² Ne manotik ngoi yo'oto a hak kriti kutei sani dir hoɗo me'eyo ko a hak zugo ko hak zugobu, ne manbu, Ndeyi manoti yo ngahang ko si yo ka kunu a ɓaɓa. ³ Nen mano ngoi woiye'e ko hak zugo ko hat zugobu, nen manbu, kaba Ndeyi. ⁴ Ngahang ko si hak firdausi me kol 'yei bunkeno yo an ngoi a anabu. ⁵ Abo shida ngoi woi'e ne ina kunani me ne kunna kanno bu. kaba dei aka kasano. ⁶ Nan nda ndaltaka, ne ɗeya yak nabu, me nen ana jire. me ne wustik shida ka a kada yo'oto nam ne'e ko geɗatik shida yo moishe yo moishe ne'e ko shida yo' o moishei di ne'e. ⁷ Kika ne wuskok nɗalaka 'yak ina nzuba ki yo dobo. nami zohinno golla, yo ɗeyinni hara tong luno yo onano, a sarni ki ban sinkau a ngahino, kika bolon hafte kanno bu. ⁸ Ka kunu ɗonsha a wangu ka woi' e na si namtik woi ki gamano. ⁹ Nami ana ta, me barkas namanko ka a kaba sei no sauwe ndaltaka, ki kasano, ɗo geɗok masihu ɗeyik n'e. ¹⁰ Kika ka a no kuyo ki kasa no, ki sena bone so onsheno, ki sena yam, ki ona ko shida bones siya ke a ka masihu. me dom hak kasa geɗo, men no wakok geɗo. ¹¹ Na ɗeyinno yak nai me zobkone'e nguni ne suba ngu kunne ne'e. kika an be'i son kasa manakshi majireku bu. kika nemen ei moɗobu. ¹² Tamko suba jire ta an majiri dalatku a ka erno ki habri, tama ngak lajab ki tama ngak dobo. ¹³ Kika miya nguning manang ko kunna ana ɗaho buye? ɗo ki bon zeku ie ndaɗo katkubu? to ngu yaheno leihi wonse'e. ¹⁴ Moyai no is no meshe gemangku yo ka kunu. men zeku ndaɗo bu. ki ka ne barta ngak genkubu. ne barta nguni kika milla me nama ndaɗok ana le'isubu kaba ana le'i su nam ndaɗosu. ¹⁵ Ne'e no duktik ie saranno ki lokoshinno ki tim ki heterek hawo aka zauku. nan sauwidgo ndalta nguni me sai a sikte ndaltuno? ¹⁶ Kika ka'a, nan onku ndaɗo bu. me sai ngu ani tan tamku manti ne seno katku ki bille yo'oto! ¹⁷ No tamku ei zinabuɗo ki ga biya yon sarinku nguni? ¹⁸ Na zobno Titus ɗo ndutu gemanku namin saridi lanomu ngoi'oto ki si. me Titus iku ei disa ɗo? Me kelu moɗi buɗo ne'ek si me mu ɗabshe bille moɗik si buɗo? ¹⁹ Me, ei onzi ngu taman a ganku ɗo? A a, a gem Ndeyi mu ani munim ma masihu. woi me shaf ɗo sauwe nguni, mu eshetku biyamu. ²⁰ Nenzuba kika nan ndino no boltu nguni kit shida yon ndalo bu. nguni me ngu moi ne' e kit shida yong ndalankoi bu. ko boltu a shana, ko kuɗa, ko hushi, ki ndala ka kit ngara ngadar ki kuɗaɗi, ki nakkok ka, kit hafta hangkal. ²¹ Nen nzuba nan meno, ndeyino kasanta ne' e domku. nen zuba ne ina unuk tili ka biya shei 'yanko zunhu, me tubangko ka ley hisubu ki rutai disa yo 'yanko ki aza ki ie disa yo 'yanko.