¹ Ka ne ndalo ngu hapreki yaknano. Meke ngu zuk hapri ki ne'e. ² Aka ne dasa a Katku. Ne dasa yo bille Ndeyi bo nguni, Kibo ne oninku Kabono Kimizi moɗi. Ne ndalo ne oni nguni kit gumyo ki Kiristi. ³ Meke ne nzuba ki bille yo'oto, kit yo samba dokta Hauwawu. A gitik tabata Zumeshitku kika daha bille Kiristi. ⁴ Taa yo'oto na ndino mokno eni yesoi yo'oto bamki omu 'yanku wazunni Me beibu na ngu biskanko Kelui yo'oto bamki yo ngu biskanko yo tono. Mena ngu biskanko bishara gede ki so ngu biskanko. To ngu biskanto Ke'e! ⁵ A moinonno ne Kasa majiraku ma namanko Kasu nakshibu. ⁶ Ne'eme ko bono ndada, ne an yaklu mantibu. Ki bille yoyiyake, a tong 'yei miyake mu anankutik yei woiyye'e. ⁷ Ne iko Zunhudo nane maita Kanna bo 'yabu aka bei ngu deyi nakshi? Aka ne wa'azuki Bishara ki Ndeyi wari bunko. ⁸ Ne Zalunta Church ma'ato ki bille bisketu bana ki gemansu bonguni. ⁹ Bone gemanku ke ne tong yaklu, ne urta ndaɗo ka Lokebu. 'yai ne ndalo a isheno uskani yagyanamu ma ndanoki Macedonia. A tong 'yai niyake ne kukok urtanku ndaɗo, ke ne tina dem ki Ka'a. ¹⁰ Kityo jirek yeso a hawonno, an 'yayo dikmanta yankanno wonse'e a elik Achaiabu. ¹¹ Boniya? Kibo ne ndangunibu? Ndeyi manoti. ¹² Yayo ne ina Kene hanta ishe, bo ngeshensuan ansheta ishe 'yayo mu ishe. ¹³ Aka biya maye'e majiraku rerei ki ana rutayo rerei. A bo'ita subansu kit nzuni majiraku Kiristi yo jire. ¹⁴ Woime 'yak ajabbu, bo ko shedanma sapya subani kit maleika Ndeyi. ¹⁵ Ke 'yak ajabbu na bidonsheni sapyanko subansu kit nzuni bidanshe jire, rutansu a tanna heleknzuni. ¹⁶ Har kauso ne anshenku: Kada ku zohi ban tilinku tane yakna ke yankanno ina shim. ¹⁷ 'Yeyo ne anshenku aka yankak geɗok tili woiye bamoa ndaltane anibu. Meneish eni kit ne yakna. ¹⁸ Kit yo biya a yanka bo ɗaha yei tilisu ndalo,neke ka'a. ¹⁹ Kityo ki hetrek tili ngu habranku ki yaknaku Ngunike ngu ana wayo! ²⁰ Ngu habranku ki ngoyo matinku baya, ko na biskanko kareiku ki gegeɗo, kono mora nguni, kona namko kanni gaɗanku, kona maranko nguni a huska. ²¹ Munikam kibo kasamu mu gita habrabu. Shapki ka'a na ngo iko yanka, ne eni kitne yak, ne ken ina yanka. ²² Nzuni Ibraniyawako? Neke ka'a. Nzuni Israilawako? Neke ka'a. Nzunɗoi zuriyak Ibrahim ɗo? Neke ka'a. ²³ Na nzuni bida Kiristi? (Ne eni kitne a takur.) Ne mane gaɗak ka'a. Ne tong ruta yo gaɗak ka'a harki ngarya, ki jiboso gyaɗak kabtu, ki tasku so mato tim. ²⁴ Yahudawa 'yano "Lokobi bihodo k moɗi ka bad." ²⁵ Ka kunu a jiba ne'e ki bilala.Oklanko ne'e ki gosho ka moɗi. Ka kunu jirgi laktak ne'e. Ne sunko, ne goli ka marshe aka hamyo unu. ²⁶ Ne iko sheiki marshe atong tasku so haushi, kiso ana kacco, kiso biyano,kisobiya ma Yahudawabu, kiso ma gyabani, kiso tong riya wari ham, kiso ka hamyo unu, kiso ga yagana yo rerei. ²⁷ Ne ɗeiko tong yamki ruta ki nginhu, wari monsom ki bedi ka tim, ki kizi ki kizi ham, ka tim a tong ajimi, a tong sangei ki yaklu sutra. ²⁸ Banda 'yei ma'ato, tomiyake ne tong dibna bo chapki choch. ²⁹ Ngoiya tiskin, neme ne tiskinbu? Ngoiya a zohasi batimo yone kola hoɗanibu? ³⁰ Nane yanka, ne ina aka 'yeiyo tama kasano. ³¹ Ndeyi yo boti bomu abano Yeso, yo kunanini an bo ernotobu, manoti aka ne anshe re reibu. ³² A Damaskus, gobnayo elik ma'i aretas kaccitkok bodubnok gyabani bona ngabne'e. ³³ Kaba urtanone'e a tong daaur Kibo tonko yo zukbongo, nami ne we walshe ki Sarami.