¹ Nen, Bulus, ki kanno, ne nɗonsha nguni a burkak dik yayi ki Samdenok tili yo almesihu, ne'e yo a ishe no namaka tane ngoi yambu' a hawotku, me nen bok gobshe e ɗon wonɗebu. ² Ne ɗonsh nguni ki ka ngu gob ne'edole bu nana ndino. Neu mani ti no gitik ershek biyai a anshe ta ei mu shey yo dunyane. ³ Me La yo tongey mu marshe tong gugo, ruta mume arey yo tong gugo bu. ⁴ Ki Ka ka'a karai Kesimu yo dunyabu yo geɗok Ndeyi, ana rugga mene yo gedo. ⁵ Mu olshe ena ndalaka hak eninsu mu rugga ley shida salis siyake yo namshe ka Ndeyibu. Mu ngeshe hankalk lelo ka ruta Kristi. ⁶ Mu ramangkok Kammu mu en bonek biyai a dabshe enibu mena daha ening ku ɗeyinni. ⁷ Moya ei anangkobai Na dei ngai ongkek jire si yo Almasihu a sauwe dibshe kit yo si yo Kristi, Mune' kem Ka'a. ⁸ Ko 'ne ina ndalaka tine a ku yardai mui e yo bomu aban onko ka sauwa nguni a ka rugga ngunibu ne Kola Kawabu. ⁹ Kada ngu moije tan onsheku nguba ki tivenku sarni wonseie ¹⁰ Ki ka madɗi anshe, ta, "Dinɗonni rishe gugone ana gedo. Me nak moiko si an mayababu, enini me eniy yo oto yo kolshebu." ¹¹ Arei biyamaye dei a mantitik ei mu anshe hak dindo so mu anshensu don mu wonɗebu. Sine mu ishe si jajim yo mu wonde. ¹² Wanci muni mu kabte kammu, ko nam Kammu modik ki ana Kunnakasu me biya maye ana kabtakasuk Zehe, nguni me a baita tikakasuk gehe anan dibnabu. ¹³ Muni dei habta Kammu gede shida ou ndalankobu Kaba mu eni Ka ei Ndeyi batmu, yo gomta hai ki nguni. ¹⁴ Me mu gede kon ki shidabu kit mgu Saram mubu. Munim ma'tono yom ndammu gera kit ngun hak ruta moka eni Kiristi. ¹⁵ Mu 'yanko ndalaka timbu, me damba ruta maddibu. Me mu gobshe tili ona juetku me sauwe, ki Ka'a me hili rutamu hotoku sauwe tim. ¹⁶ Kaba mu we bille shei mu shutente eni Ndeyik biyei eli so dom ki nguni wara ndalaka ki rutai yo y'oto iko a hilizabibu. ¹⁷ "Me ngoi na ndalta kanni, a ndolte ga bomu abano." ¹⁸ Me bok Kunna kanni me biya ensheni jinebu kaba na ngoi yo bamu abano Kunna.