¹ Woi yo ka kunu yon nɗisheu ndi ganku. "Kaba dei a mantitik eniy yiya ke ki bo biyai ana saida ngo bolo ko kunu." ² Na nga kuma biyai nyanku zohu onzi ki kinei kirkir, ɗon wonɗi yo ka bolo, namni ausu di: Nan meng go ne sikte kubu. ³ Nen anko woi ki ka ngu barta jire ta Kiristi anshe enik gano. Si kasenobu ganku. Ki ka ka'a, sia a ona geɗok leloke. ⁴ Ki kalonkakosi hak kasa geɗo, mesi an zau ki geɗok Ndeyi. KImunike ana kasa hak onsu ni jire. Me munin ɗyak si ki geɗok Ndeyi so hawommu. ⁵ Kabta katku ngu moyi a hak ona jire.Kabta guda kattu. Kodibko buɗo Yesu kiristi a hawotko ye? Sine, kaba nak ngata kabtu. ⁶ Mu zobshe tili ngu mente munim ngatangkobu. ⁷ munim ɗonshu ga ndeyi ngu e'ei disa bu. ki ka mu ani tan hatammuk tang kabtu moɗabibu. Kaba ngu e'ei gina. Kika ka'a ngu moya kit mu kasammu. ⁸ Ki ka ka'a mu gitamkud jirebu, kabamu dab bei jire. ⁹ Mu anan hetrek hawo domu kasammu, ngunimengu wankok geɗo.Donshumu ɗeyi ngamno. ¹⁰ No tura woiyi ɗon gangkubu kika nan meno, ne onku ei walla geɗot kubu kada ne onku bone ka rute mene yo bomu abano omu ka na ne sal nguni ɓaɓa me ɗo rugjebu. ¹¹ Ki bei woi me biyamu. Kaba hosiy yo'oto. Mata hang kolika ɗonshuno. Ngu e ɗei nok lahiya ki zehe. Nga ɗeino so Ndeyi ndalo. Ki Ndeyik ndaltu ki lahiya ke ɗeyik nguni. ¹² Lakɗa zehi ki lakɗu ndaltu. ¹³ Ana ona jire ma ban Ndeyi lakda nguni. ¹⁴ Barkak bomu abano Yeso Kristi, ki ndaltu Ndeyi, ki zomu kelui bu'uno ɗeyik nguni.