¹ Ko gille ksa jero bu, gyaro, ka ei ki si kit boko. Haftin goraji kit benonti. ² Hafti mode daushaku kit nonti, milla monde kit minonti tong billai bu'uno. ³ On na'akok daushashe, daushei jire. ⁴ Me na daushe an milla nama dikanshe, zuni shuti ona na'ako biyai banonsu ki bo tono. ⁵ Me na daushi jire moɗato andi milla bu. Te ze tilito ka Ndeyi. Yek ti; li moɗi ges lei miya gyem Ndeyi tonmoishe ki ɗonshuba baɗik biɗe. ⁶ Shaf ki ka, mandus dino tong kola zei matito, lei ta te an zau. ⁷ 'ya wa'azu ei mamaye ka'a nzu ɗeyak wara 'yak ona kawa. ⁸ Me na ngo gese ona shidani bu, mamaye yo tong banoni, si ku'uko ona jire ke geɗatko a mure ona jire tili bolo. ⁹ A mas madusmana sani bi ba'ashimodi b tong daushaku, te man gorzo moɗi. ¹⁰ Biya mante ki ruta ei zina, lei te moiko milla,ɗo mana deita ngerhanshe, na ɗo ma iko ruta ki ana ona jire, ɗo nama namko bone algi,ɗo nama ishe ruta zina. ¹¹ Me yo daushakui mamai, mas nzuni hawok daushase bu. Ki ka nzu yabtiti zug bomu a banok aza nzu ndalanko ei babno. ¹² Nghanko ona kai in ruta tong ban yo tono ¹³ Nzu deiyan su wara ruta. A deshe bano woi godi wonsi. A deino wara ruta moɗa bi bu, me deyansu ana ngadar rishe tong ei yo biay. A anshe ei suba nzu ani bu. ¹⁴ Ki ka ka'a ne da daushakui ɗole 'e babno, lei milla, ngah banonsu zina, kada oni sinkau zob zuni zunhu bu. ¹⁵ Ma'ato mansu gyem sinkau. ¹⁶ Lei mandus yiya na an daushaku, te shate nzuni, ka'a a shata ban Ndeyi ki ruta ma'ato, ka'a ke a shata daushik jire. ¹⁷ Koknakui mene jire mana kasu ka bolo, tin mamayi shuta eni Ndeyi. ¹⁸ Eni Ndeyi anko ta, "Kadan he bo kom bu ɗo a kato reta hai," ke jo, "A ruta suba onibo yobi.'' ¹⁹ Kadan biske ngadar ka jero bu kaba dei ki bo biyai moyan ko bolo nama kunu. ²⁰ Gilli ka a zunhu a don algi ka'a zub zuba tong ma'ato. ²¹ Ne anshen ki gegeɗo a dom Ndeyi, Yeso Kiristi ki malekaku yo baɓa, ta ko ngahi uhemamayek jire,ke ko tum ndala ka bu. ²² Ko ze sara ka ngo ɗo si deyi a ruta Ndeyi bu kaba na ko moiko si ruta jireshei. kadan ei zunhu ki ma'ato bu. Ɗeyik bu'uno tili. ²³ Kadan se di ham bu. KI ka'a, se mihsi shim ki bo hoɗa hawot ko ki golla koi. ²⁴ Zunhu biya ma'ato eheno, nzuni rina sherya kasu. Me zunhu ma'ato dutuk bei. ²⁵ Ka'a ke, ruta zina ma'ato eheno hili, me lei ma'atoi a bunka bu.