¹ Kelui anko hilita a bo ernok sommoɗi biyai madɗi tabisu ka ona geɗo amata hankali su ka kelu ɗoktu ki shutu sinkau ² tong rerei ki eta. Ei zugo a onsu a ɗeyinni bo lunsu. ³ A ngatik babno ki biska wo'oto yo Ndeyi ramta kika zuni tike ki kunnu a tong biyai onan ko jire me ke manankotik jire. ⁴ Shaf eina Ndeyi inni zina. Kika ei namu biskanko ki kunnu iko zina mu kuɗi bu. ⁵ Kika buɗoni tong eni Ndeyi ki ɗonshu. ⁶ Na ko dibko yagana karei mamaye'e ko ɗeya ngoi zina yo kiristi. Kika salanko koi a tong eni geɗo ki zinak shutu yo ko ɗafko. ⁷ Me ko 'e jijok almara yo koknaku mande ndalan ko. kika ka'a ko maite katko tong ɗaha Ndeyi. ⁸ Kika maita zugo andi suba shim. Me maitok ka tong ɗaha Ndeyi andi suba ki shaf lei miya. A hawonni andi bo erno to kika sommoɗi ki sommoɗi yo isno. ⁹ Eni woi biske te go biske shafto. ¹⁰ Eizobko ka'a mu ruta an hoti bu. Kika mu zobshe tili ga Ndeyi an zau, an wangu shaf ki biya, kit anaona jire. ¹¹ Ko ani ke ko shute 'ya woiye'e. ¹² Ko on bille lei ngoi yiya bok geɗok ko bu. Kika ka'a, ko ɗeyi 'yak shutu ki shafki ana ona jire, a tong shutu, hali ndaltu, ina jire ki bomu a bano. ¹³ Kaba nan ndino, ko ngar tili ka mantu,wa'azu ki shutu. ¹⁴ Ko 'e goyou ki lei eita yo ko andi onanko ki tong koknaku yo zanko sarasu a katko. ¹⁵ Zi hankali ka ei mamaye'e. Deyi hawosu, kika tina dom ko a mantini a ida biya. ¹⁶ Zi hankalitko aka shutunko.Tu dom a hawosu. Kika ishe ka'ai a waltitik kakko ki ana kola koi.