¹ Eri shaf ki biya yo bida a elelik bone moi bosu abano subankok darja, zuni e ka,a kika kada yabte sun Ndeyi ki shutuni. ² Bida yo anandi boti abano yo ana ona jire, nzuni bo ki nzuni bu kika yaganakune. aka ka,a a isu ruta ki gedok zugo. Kika boti abano yo tishe dambu rutansu ana ona jire ne. Yaganno ko shute ko ehe ei maye,e ³ Na zobko yo'oto shuta ei modi bam ke aminta ki shutu bu eni Bomu abano Yeso Kiristi yak ei ka a ona ko jire ka shutu yo moka ga Ndeyi bu. ⁴ Ngo woi a nakkok ka, me ke man yabu. kika ka,a andi haɗa zori ki gardama aka eni. Eni a mokshentik kesi, ki shana ki hubli- hubli ki dibna so zina bu. ⁵ Ki shei ki yaklu gomta ka tintil biya. ana ɗabtanok hankal. kuɗankok jire a dibna ta ɗaha billa Ndeyi bille ne yo oyu. ollikko ki ga karei maye,e. ⁶ Kauso ɗaha Ndeyi ki habri nakko damɓu. ⁷ Mu mokano le'i ma'ato tong dunya bu, mu hetek hawo to ki lei miya bu. ⁸ Kika ka,a mu habre ki wo'oto ki sutura. ⁹ Biya yo dalanko deiyi ana andi a ngete tong kabtu, tong ɗoka. A ngete tong yak yawu ki naltu yo illa yo lei miya yo zobshe biya tong lalashiki hallaka. ¹⁰ Ndalta oyu sinebo tonok lei arei eta yiya. biyai madɗi ki bei jouwa oyu tabansu kika ona jiresu. ollenkok kasu tong yabtanok tili. ¹¹ Me koi, ngo Ndeyi i jijok karei maye,e ko ɗab adalu, ruta zina, eni jire, ndaltu, habri ki sunta ka. ¹² I nginhu, nginhu so zina so ona jire̵̵. ngab zau so an bo ernoto bu yo eshanko koi gani. aka woi ne ko onkok tamya a dom ana tamya kasu, tim aka ei zina. ¹³ Ne oshenko uhe woi a dom Ndeyi, ki dom Kiristi Yeso, yo anko ei andi jire ki Bilatus Babunti. ¹⁴ Ɗaab uhe ka,a an yak hubli har dishe Bomu abano Yeso Kiristi. ¹⁵ Ndeyi tamtik mesheni a sartik Ndeyi an barka, makaɗaicin iko, ma'i yo mene, bomu yo mene. ¹⁶ Si moɗi yo an mato bu, a deino tong talku yo a ishenem ki si bu. an ngoi a moishe si bu ko a gitik hanga si nakka itito a gamni ki iko so a wuye bu. Amina. ¹⁷ Ko anik ana dara a tong dunya kada habte kasu bu, nzuni zob tili ka dara yo a tekenni. kika ka,a zob tilinsu ka Ndeyi yo a onshemu yak ki jire kika kola zei mu. ¹⁸ Ansu e, ei zina a e dara. nzuni ɗeyi ana onshe ki wusnok sara. ¹⁹ Kika ka,a a zenak kasu turbai zina aka ei isno kika nzuni biskesommodi yo geɗo. ²⁰ Timoti, ko tsar ei onanko. I gera ki eni so,e e ki shashana so yabtiti zehe yo esha ta mantu a tong rerei. ²¹ Biyai ma'ato a kawak ei maye,e, tabansu kika ona jire. Eri barka ɗeyi ki koi.