¹ Nang nkyang nai nswak'i, nsin fok anghurung nang ga anghwad ga didid anyet tazi nyi, "Haliluya. Tyaknet, gbandang, nbyang tsat yet si Gwazi zit'u wa. ² Chyi gu zi yet chuchuk nbyang chatchrak, , Ba'aya anyi chyi, gbandang atyi nang anyi kham zii nang a biyan swanti'ui ba bambuwan nyiolyen agyang'ui. Asi ta'an ti aswok anyet hui gu bi nan gu apiogu wiyem'i. ³ A sin kra ufiyang khi, "Haliluya! Nchung ni gwud dangu bazan tu nat nwai tiyak." ⁴ Atad-agyi nswak-nfiyang ba annai nbyang nkkyang swon zi annai si swot asi nyeb abin asi dyap Gwazi nang a swan tutan grak tyok zii. Aba nyi, yok hun swan anya'a. Haliluya!" ⁵ Anya anghwad si wuruk nyied ba grak tyok'u, khi ba nyi, "I dyep Gwazi zit'u, salai nyin anyet ntam gubi, nang afok uwun gu'i, salai ba sibi anwai lyen nbyang si bi a byo tsat'i." ⁶ Anya'a nsin fok kyang nang hu nghurung nang anghwad ga gbandan anyet deni, nang awurak a saghuat'i nbyang gatiyen atat'i nyi, "Haliluya! da hangag nang atyo wa nshio bi tyok'ui, Gwazi'u nang a nyi tyok salai'i. ⁷ Ibai zi gwai nbyang fok nyanyang awot zi nwak gu gbandang da hangag nang nyi agwainyirang ngwon tsyeb mbai'i, nbyang guniyem bui gu khi khan tiyak jiyi apio khi. ⁸ A si nwak khi zan a kub khi asai, yayong ata'an atro" (Hangag nang ata'an atro bi ngyet ata'an nyio zazzarak anyet'i). ⁹ Ngwon ntam Gwazi ba nyi banu, "Luru si hyi: anyet mmiyang ba yet anyet nang ayai nyi agwai yak ngwon tsyeb khi." Asi bu nyi banu "Chichuik swang Gwazi'a wi." ¹⁰ Nsin shwat mnyet abin ba atak gubi nsin dyab gu, ama a ba nyi ba nu "Yok nyi anya'a dak, ngyet atyi ntam nang nwan'i nbyang danyuk'a nang a biyong shei alyat dutan Yesu. Dyeb Gwazi, da hangag shei alyat dutan Yesu khi yet tsui tyai ntam Gwazi za." ¹¹ Aza'a nsin di nang tazi khi tiyak, nsin chiyang nsin di asai ntsai. Atyi nang a tyong zii a yai gu nyi chuchuk nbyang chuchuk. Ba lyat chuchuk na gulin nyi ashwat'u nbyang kprak jwang zi. ¹² Agyi gubi li nang ulirab ndong'i nbyang apio gu khi ujwan tyok deni. Abiyo ayurok nang an luru tutan gu nang ba atyi alyen, ama sai ngu'a. ¹³ Asi kub atro nang azwub ba aswok, nbyang ayai ayurok gukhi swang Gwazi. ¹⁴ Ahuad akwab tazi ba hui gu tutan asai ntsai, asi kub usham atro, kenkyai nbyang yayong. ¹⁵ Bunu gukhi zanziyang tsat si wuruk nang gun sirakkrok abin a gbandang ukrang bi'i, nbyang ali nyi tyok bihu ba san nchwam. Asi shai utan uvwo shui aswum ukwan furum alio-gyi Gwazi abiyo salai shi'i. ¹⁶ Abiyo ayurok nang an luru ba atro gu'u nbyang abwan ntak gu'u: "Agwam agwam nbyang atyo atyo." ¹⁷ Nsin di nang ngwon ntam Gwazi nang khi yong bumi mmam. Asi yirong ba ga gbandang anghwad salai uman nang ityong tazi'i, ¹⁸ "I bai i tung dandung ba gbandang gyi yak Gwazi'u. Ibai i gyi nam agwam'u, nam anyet hyai anyet, nam achatchat anyet, nam tsai nbyang anyet tyong tsai zi, nbyang nam salai anyet, ba si bi ayet asat'i nbyang sibi ayet ahwo'i, sibi anwai lyen nbyang sibi a biyo tsat'ui." ¹⁹ Nsin di ga-nyam nbyang agwam swanti bi nbyang ahuad akwab bibi. Nang atung ba anshio kprak jwang ba atyi nang atyong tsai zii nbyang ahuad akwab gu bi. ²⁰ Asi tabbat ga nyam'u nbyang abuwai shei tam Gwazi bi nang anyio nyi azai dugyi gu'i. Ba nyi azai asi buwai anyet nang asan zuwang ga-nyam'u nbyang dyeb ighwo gu'u. Nbi afiyang asi tyi bi ba swun zi bumi kpakpai achung saghuat ndong. ²¹ Akum bi khi asi hyai ba tswat nang i wuruk bunu atyi nang a atyong tutan tsai khi'i. salai uman ni si gyi nkwam nam bi ni.