¹ Anya'a, nsin di nang ngwon ntam Gwazi nang khi chiyet nyied tazi. ² Abiyo kyangtiyang abwong nang khi biyo igag dak, a sin min biyo ga nya-nyang ba mbwak gu'u. Asi tabbat tanyirang saghuat khi, gbandang ayuwan nang ayet tanyirang khi, asi lab gu ndiyo kwab jyung. ³ Asi tyi gu ba abwong nang khi biyo igag dak, asi fang asi liyan biyed gu. Uli ngyi, adibushio abubuwai chatchat ukrang bi, sinang lilio kwab jyung zi tsiyang. Kha zanzi tsuiyang, tilat'a ali kai gu awad ba azan dadai. ⁴ Anya'a nsin di grak. Anyet an swan'i ba yet anyet nang a zan bi gbandang ba nyio aswat. Nsin min di birung swun anyet nang atrung be pipio'i da shei alyat tutan Yesu nbyang ba swang Gwazi zi. Nbi ba dyep ga-nyam'u ko ighwo gu'u dak, ba sin min dak sa'an jwang zi ba pipio biu ko mbwak. Ba si bai ba swon zi, biba li nyi tyok'u ba Kristi ba lilio kwab jyung. ⁵ Akum nkom khi si buwok bai ba swun dak, sinang lilio kwab jyung zi tswiyang. Tagbok nfum'u hwai hwi. ⁶ Atyi mmiyang nbyang zazzarak'a yet atyi nang anshio ba tagbok nfum'ui! Ba si bai, aghu ufiyang khi biyo tsat da bi dak. Ba li yet anyet kwi anyet ba Gwazi nbyang Kristi nbyang bali nyi tyok'u bangu si lilio kwab. ⁷ Kha lilio kwab'u twiyak, ali kai awad tanyirang khi ba hwo khi'u. ⁸ Ali nat nti abuwai chatchat ukrang'u ba abak annai swantiu - Gog nbyang Magog - an shio bai mambi dandung anshio nyi jwag zi. Bali shi deni nang azak agyui,i. ⁹ Bali nat akpai kpasai abin ba swantiu nbyang kra uvwo atung anyet hui, atwad gbandang ukrang'u. Ama, long si bai nyied tazi hu si nyirak bi. ¹⁰ Tanyirang nang khi buwai bi'i, asi tyi khi ba ga chung saghuat ndong'u, uvwo nang ga-nyam'u nbyang abuwai nga'ad anyet shei alyat Gwazi an tyi bi'i. Ali nwak bi kha'an'u aza tammam nbyang tutuk ha'ad tunat ban zan nwai tiyak. ¹¹ Anya'a nsin di ga gbandang asai grak nbyang atyi nang a swan dutan grak zi'i. Swznti'u nbyang tazi khi si fwub tyang dugyi gu, ama asi bio uvwo nang balin nad'i dak. ¹² Nsindi nkom ni, sibi bayet chachat anyet'i nbyang sibi anwai lyen'i, yong dugyi grak ki, asi tiyak nkwi ni. Any asi ntiyak kwi gyang kwi nswan'u. Sibi akwi'i, asi nyi bi ashod'u ban nkyang nang a luru bu nkwi ni'i, chachirak bu nyi bi zi. ¹³ Aghui ki si wuruk bu nkom ishio bumi gu'i. Adis'u si wuruk ba nkom ishio bumu bi'i. Asi nyio nkom ni aswat'u chachirak da nkyang nang ba nyio'i. ¹⁴ Aghu khi nbyang Adis'u asi tyi ba ga chung ndong'u. ¹⁵ Kha atyi nang ayurok gu khi anshio a liru ba kwi swon'u dak atyi gu ba chung ndong'u.