¹ Nang nkyang nai nwak'i nsin di ngwon ntam Gwazi ngyang nang gu chiyet nyied tazi. Abiyo gbandang tyok, swantiu si chi kang ba gbandang gu'u. ² Asi chi kwun ba ga tsat anghwad, aba nyi, "Swot, swot'a gbandang Babila! A buwak cio uvwo swat tanyirang, uvwo takub kuda dindyung, nbyang abambuwon u man ³ Anya'a salai tsatsat ukrang hyong anwai mammarab nyi gu zi. Agwam swanti bi nwak apio bi mammarab nyio guzi. Anyet abuwang swanti bi buwak chio anyet jwi, ba hangag tst nyio swat gu zi." ⁴ Anya'a, nsin mun fok anghwad ugyang nyied tazi anyi, "I wuru bangu, anyet nu bi, i yok min nshio ba nyi katuk gu zi dak, nbyang iyok shio san bumi katuk-jwa'an gu khi dak. ⁵ Katuk guni tung lai na'ad tazi, Gwazi'u jiyung salai katuk nyio gu ni. ⁶ I buwok itan gu da hangag nang gun buwok asi tan agyang zo'i; ba batam nang gun tsui, i brak tsu gu zo. ⁷ Nang gun kok apio gui, a ba swan ba nyan-nyang'i, i zangu kha'an deni nbyang chi gu unak aghu. Da hangag gun nyio ba lio gukhi, 'Nswan ayii abyuk tyok'i; Nu ngyet aghu awad dak, nbyang nni di unak dak.' ⁸ Kha anya bumi mam nyung lyuk gu'u li bai: aghu, unak aghu nbyang tsong. Long li gyi gu, da hangag namg atyo Gwazi yet abiyo salai shi nbyang uwa yet atyi nyi chyi gu zi." ⁹ Agwam swanti nang anyi bumbuwon lyen agyang nbyang ba si swak tsat anghai bambi, ba muli twi ba mun atwi gu, ba zan nang ba lin di ntsung nang long'u gyi gui. ¹⁰ Bali yong titti, ba uwun kha'an guni, bai anyi, "Kasseg, kasseg, ga gbandang ukrang, Babila, ga gbantang tsat ukrang! Bumi an zan u nyung kha'an'a hu nbai." ¹¹ Anyet abuwang swanti bi twi nbyang twi unak aghu gu khi, nyied nang ayin bu kwai nkyang nzi gu ni dak - ¹² Ukrang nzi kyekyed-nfang, zazzarak-nfang, attan-nfang, lilo, atro attan, atro saghuat gafoo lalirab atro, ashong, sal;ai kuza uswan nkwan, kuza alan ntam nta'an, kuza alan nang anyio ba chichuk attan -nkwan, chichuk-chwan, chwam, nfang ntan ¹³ Kirfa, kannu jyi unu, shiswan ndong, saghuat amio chi-swan, luibba, anghwai ukwan, amio, nhyio nta'an, alkama, yak, tsep, tsai uli ba'an, ahwo, nbyang swun anyetbishi. ¹⁴ Aswum ukwan nang itwi'i batsat nyin'ui nka'ad wad nyin. salai nyenyang nbyang jyo uvwo nyi'u tsuiyang, abu li swan shio hu dak. ¹⁵ Anyet abuwang nkyang nai nang abuwak chio anyet njwi dan gu li yong gbang kaiyau ban gu sabo ba uwun kha'an gu'u, chyad nkwin tazi nbyang twi unak aghu tazi. ¹⁶ Bali nyi, "kasseg kasseg ga gbandang ukrang nang a jam gu ba atro atta'an, ba saghuat gafoo nbyang ashong, nbyang nkyang jam ba kyekyed-nfang atta'an nyak-agwai, nmbyang lilo! ¹⁷ Bumi an zan linyung salaijwi zi asi biyan" Kuda aliyang tsai saghuat, kuda atyi chiyet ba saghuat, anyet luk bi, nbyang anyet nang tsat yak bi'u shio ba saghuat i, li yong za'an kayau. ¹⁸ Basi kyak kwun chio nang ban di ntsung nang gun shwai,i. Biba nyi, "Da ukrang shi nang gbandang ukrang'ui?" ¹⁹ Basi krok nbin ba pipio bani, basi twi tazi, shwak agyi nbyang twi unak aghu, "Kasseg kasseg ga gbandang ukrang nang sal;ai anyet nang abiyo tsai saghuat ba agyi, asi shio jwi ban jwi khi zi. Bumi an zan u'nyung asi bru zi salai." ²⁰ I gwai dutan khi, tazi, nyin anyet hui, anyet ntam, nbyang anyet shei ntam Gwazi, ba hangag nang Gwazi'u nchio chyi zi dutan khi'i!" ²¹ Ga gbandang ngwon ntam Gwazi asi kyak afang nang khi tai ga gbandang nna'an asi ti bumi ga agyui'u, aba nyi, "Ngyia, Babila, gbandang ukrang, alin ti gu ba tsat alio gyi abui li gu dak. ²² A nghurung anyet a siriwait bi, anyet bubuwom bi, anyet hyab zwunzwuk bi, nbyang anyet hyab gugui abuli fok bi ban nwan dak. Ba anyet ntam mbwak kudanhu abulin nshio ba nwan dak. Abuli fok anghurung kwang bumi kuma dak. ²³ Hira sai ndong awuk buli sai da nwan dak. Nghwad gusiyem bui abyuk nbyang guniyem nyied nyirang abuli fok bumi a dak, da hangag nang anyet abuwang abi bin gyet mman agwan swanti na yi nbyang ubwai chachat ukrang'u ba tswat unu'au. ²⁴ Bumi gu ka anshio atswok anyet shei tam Gwazi nbyang atswok anyet hui bi, nbyang atswok sdalai anyet nang a hyai ba swanti'ui."