Apio 12

1 Ga gbandang kyang ayong ali shio tazi: a cub abyuk ba mam'u, nbyang jwad zi ta'atak; nbyang ujwan tungwa shio gu apio. 2 Aba shio bu ufyi, aba si twi bin ba aghu mbin khi. 3 Asi buli kyang a yong ali: Ili! Abiyo ga ashong tanyirang saghuat nang khi biyo pipio natad nbyang attam swak, asi min biyo ujwan tyok natad ba pipio'u. 4 Lingu'u si lyang akwai atad ba tungwad ishio tazii, asi min huwad bi bai ga abin ba swantiu tanyirang saghuat khi si nat tu yong abyuk nang atsat bin'i, anshio ka abyuk'u bin, agnwan ngwon khi. 5 Asi bin ngwon gusiyem, ngwon asm, nang ali biyong salai anyet tsatsat ukrang'u ba san tchwam. Asi tawp ngwon khi nado ba Gwazi nbyang grak gu zi, 6 nbyang abyuk'u si tyong nat ba gan tyi uyit'u ba uvwo nang Gwazi'u nji gu zo, anshio a chok gu si mam 1,260. 7 Nini, asi biyo jwang tazi, Mikailu nbyang mman ntam gu ni si nyio jiyo ba tanyirang saghuat khi' mman ntam tanyirang saghuat khi si min kwa'an man bi. 8 Ama, tanyirang saghuat khi si biyo tst'u mai nang khi lin kyak awiyang'i dak. Nang hundi ngyi asi bu biyo uvwo nang tanyirang khi nbyang mman ntam guni lin swan tazi dak. 9 Gbandang tanyirang saghuat, gbagbang ahwap ayun'u wa nang agyi tanyirang'i nang a buwai salai swantiu'i asi tyi gu abin bai do ba swanti'u, nbyang a si min yurung mman ntam gu ni bangu. 10 Aza'a nsin fok ga anghwad nyied tazi: "Ninni kha bai tyaknet'u, tstat'u nbyang grak Gwazi zit'u, nbyang si - shi'u bumi Kristi. Atyi tyam anyet hui bi abin - atyi tyam nang amin kai tyam bi dugyi Gwazi zit'u tamam ba tutuk. 11 Ba si nyi amiyang gu'u ba ashwok ngwon tseb khi nbyang swan shei bi zi, da hangag nang bin chat apio bi dak ha'ad tu nat ba aghu. 12 Nang hundi ngyi, i gwai nyin tazi nbyang salai kyang nang hu swan ban bi'i, ama kasseg nyin swantiu nbyang agyui khi, tanyirang khi chiyong bai ba nyin. An hyad tantyang ba alio-gyi khi, da hangag na gun dyen zan gu zi bwad dadai 13 Nang tanyirang saghuat khi nfuk nang a ti gu ba swanti'ui, a sin ndab da abyuk nang abin ngwon gusiyem khi. 14 Ama abyuk'u asi zangu a fyeb afiyan nang ga gbandang a kyim'i, anshio fub nat bu uvwo nang ajio gu doi ba gan ti uyet'u, uvwo nang alin chok gu ba zan, kuda zan, nbyang a kub nzan. Uvwo nang tanyirang anyun khi lin nshio gu dak. 15 Tanyirang ayun khi si wyem ga saghuat bu unu gu ayii gyi tsen'i. Ali kha guli wuruk ba ga sahuat'u anyang an kwi abyuk'u tu wyem. 16 Ama, swanti'u si biyang abyuk. Asi tiyak unu khi asin nwan ga saghuat'u nbyang ntsen'u nang tanyirang wyem bu unu gu khi. 17 Nang tanyirang saghuat khi ndi anya'ai,khi si nim abyuk nbyang khi si nat jwang ba akum mman abyuk ni- si ni nang a hui chy, Gwazi zii nbyang biyo shei alyat dutan Yesu. 18 Ngyia tanyirang saghuat khi si tu yong ba azak tsen khi.